Ўзбекистонда 2021 йилнинг ноябрь ойида инфляция 1,2 фоизни ташкил этди, деб хабар беради Давлат статистика қўмитаси. Йил бошидан бери истеъмол секторида нархларнинг ўсиш даражаси 8,6 фоизни, йиллик нисбатда эса 10,3 фоизни ташкил этган.
Таққослаш учун, 2020 йилнинг январь—ноябрь ойларида истеъмол нархлари индекси 9,5 фоизга, 2019 йилнинг 11 ойи давомида эса 13,3 фоизга ўсган:
- ноябрь ойида озиқ-овқат маҳсулотлари нархи 1,9 фоизга қимматлашган. 2020 йилнинг мос даврига нисбатан — 2,4 фоизга;
- ноозиқ-овқат маҳсулотларининг нархининг ўсиши ўтган ойда секинлашиб, 0,8 фоизни ташкил этган (бир йил олдин 0,9 фоиз эди);
- хизмат кўрсатиш соҳасидаги нархлар ўртача 0,5 фоизга ўсди (0,9 фоиз эди).
Аввалроқ Осиё тараққиёт банки 2021—2022 йилларда Ўзбекистонда иқтисодий ўсиш бўйича прогнозларини янгилагани, Марказий банк келгуси 3 йилда Ўзбекистон иқтисодиётини ривожлантиришнинг икки сценарийсини эълон қилгани тўғрисида хабар берилганди.
Изоҳ (0)