O‘zbekistonda 2021-yilning noyabr oyida inflyatsiya 1,2 foizni tashkil etdi, deb xabar beradi Davlat statistika qo‘mitasi. Yil boshidan beri iste’mol sektorida narxlarning o‘sish darajasi 8,6 foizni, yillik nisbatda esa 10,3 foizni tashkil etgan.
Taqqoslash uchun, 2020-yilning yanvar—noyabr oylarida iste’mol narxlari indeksi 9,5 foizga, 2019-yilning 11 oyi davomida esa 13,3 foizga o‘sgan:
- noyabr oyida oziq-ovqat mahsulotlari narxi 1,9 foizga qimmatlashgan. 2020-yilning mos davriga nisbatan — 2,4 foizga;
- nooziq-ovqat mahsulotlarining narxining o‘sishi o‘tgan oyda sekinlashib, 0,8 foizni tashkil etgan (bir yil oldin 0,9 foiz edi);
- xizmat ko‘rsatish sohasidagi narxlar o‘rtacha 0,5 foizga o‘sdi (0,9 foiz edi).
Avvalroq Osiyo taraqqiyot banki 2021—2022-yillarda O‘zbekistonda iqtisodiy o‘sish bo‘yicha prognozlarini yangilagani, Markaziy bank kelgusi 3 yilda O‘zbekiston iqtisodiyotini rivojlantirishning ikki ssenariysini e’lon qilgani to‘g‘risida xabar berilgandi.
Izoh (0)