Ҳурматли истеъмолчилар! Вазирлар Маҳкамасининг 2021 йил 17 сентябрдаги 778-сон қарори билан тасдиқланган Ўзбекистон Республикаси ҳудудида фойдаланилаётган, сотиш ёки шахсий фойдаланиш учун олиб кириладиган ва ишлаб чиқариладиган мобил қурилмаларни рўйхатга олиш тартиби тўғрисидаги низомнинг 6/1 бандида «Ўзбекистон Республикаси ҳудудида мобил қурилмалар чакана савдоси билан шуғулланувчи тадбиркорлик субъектлари мобил қурилмаларни республика ҳудудига олиб кириш санасидан қатъи назар, уларни рўйхатдан ўтказиш учун жавобгар» бўлишлари белгиланган.
Бунга асосан, Ўзбекистон Республикаси ҳудудидан харид қилинган мобил қурилмалар IMEI кодларини рўйхатдан ўтказиш учун тўловларни амалга ошириш харид қилувчи шахснинг (истеъмолчининг) эмас, мобил қурилмани республика ҳудудида сотиш учун олиб кирган тадбиркорлик субъектининг (импорт қилувчининг) мажбуриятига киришини эслатиб ўтамиз.
Мобил қурилмаларни харид қилишдан аввал ҳушёрлик билан ушбу қурилманинг IMEI кодлари ўрнатилган тартибда рўйхатдан ўтказилганлигини текширишни унутманг.
Мобил қурилмани харид қилиш вақтида унинг IMEI кодлари рўйхатдан ўтказилганлигини UzIMEI.uz веб-сайти ёки 1170 қисқа рақамига SMS/USSD сўров юбориш орқали текшириш мумкин. Ҳар бир келиб тушган сўровларга тизим орқали IMEI коднинг ҳолатига кўра, бир неча кўринишда жавоб берилиши мумкин:
1. Агар мобил қурилма импорт қилувчи тадбиркорлик субъектлари томонидан тўлақонли қонуний равишда олиб кирилган ҳамда рўйхатдан ўтказилган бўлса, қуйидаги кўринишда жавоб берилади:
Мобил қурилмани фақат шундай жавоб олганингизда сотиб олишни тавсия қиламиз.
2. Агар мобил қурилма жисмоний шахснинг паспорт маълумотлари ёрдамида рўйхатдан ўтказилган бўлса, қуйидаги кўринишда жавоб берилади:
Реклама ҳуқуқи асосида.
Изоҳ (0)