Сербиянинг Белград шаҳрида бокс бўйича Жаҳон чемпионатининг 4-кунги баҳслари 28 октябрь, пайшанба куни бўлиб ўтмоқда.
-57 кг вазн тоифасида амалдаги жаҳон чемпиони Миразизбек Мирзахалилов америкалик Жамал Ҳарвига қарши рингга кўтарилди. Биринчи раундда Миразизбек устунликни бой берди. Иккинчи раунд Мирзахалилов фойдасига ҳал бўлди. Учинчи раундда эса америкалик Жамал Ҳарви устунлик қилди. Якунда 5 ҳакамнинг уч нафари АҚШ вакили ғалабасини қайд этди ва Миразиз чемпионатдаги иштирокини якунлади.
Шу тариқа мусобақани тарк этган ўзбекистонлик боксчилар сони уч нафарга етди. Бундан аввал 26 октябрь куни Ҳасанбой Дўстматов қозоғистонлик рақибига имкониятни бой бериб, ўз иштирокини якунлаганди. 27 октябрь куни Шоҳжаҳон Абдуллаев нокаутга учраб, мусобақани тарк этганди.
Изоҳ (0)