Тўрт ҳафта ичида — жорий йилнинг 20 сентябридан 17 октябригача Mobiuz 140 дан зиёд таянч станцияларини тижорий фойдаланишга топширди.
Mobiuz’нинг жадал суръатларда техник ривожланиши Хитой Халқ Республикаси билан ҳамкорликдаги инвестиция лойиҳаси доирасида амалга оширилмоқда. Хусусан, 4G LTE тармоғи қамровини кенгайтириш ва сиғимини ошириш, овозли хизматлар ва мобил интернет сифатини янада яхшилаш бўйича ишлар олиб борилмоқда.
Катта шаҳарлар ва аҳоли зичлиги юқори бўлган ҳудудларга алоҳида эътибор қаратилмоқда. Бундай жойларда мобил интернет трафиги доимий тарзда ўсиб бораётганлиги ҳисобига телекоммуникация тармоқларига кучли юкланиш келиб тушмоқда. Буни ҳисобга олган ҳолда, Mobiuz мутахассислари янги таянч станцияларини ўрнатмоқда, мавжудларини янгиламоқда, транспорт тармоғи имкониятларини кенгайтирмоқда.
Сўнгги йилларда ўнлаб янги уй-жойлар, бизнес марказлари, ижтимоий объектлар барпо этилган ва қурилиши давом этаётган Тошкент шаҳри бунга ёрқин мисол бўла олади. Сўнгги бир неча ҳафта ичида Mobiuz пойтахтнинг турли туманларида янги 4G LTE таянч станцияларини ишга тушира бошлади. Жумладан, Сергели мавзесининг 2, 4, 6, 7, 8-даҳалари, Чилонзор мавзусининг 18, 20, 25, 26, 30, Е, Г9А даҳалари, Йўлдош мавзесининг 16-даҳаси, Дўстлик-2, Алгоритм, Ўрикзор даҳалари, Чилонзор туманидаги йирик бозорлар ҳудудлари, шаҳарнинг эски қисмидаги маҳаллалар ва бошқа кўплаб жойларда алоқа яхшиланди.
Самарқанд шаҳридаги М. Улуғбек, Рудакий, Почта, Намуна, М.Саидов, Ҳужум, Ал-Фаробий, Оби Раҳмат, Ойдин йўли, Спитамен, Мотрид каби кўча ва бошқа ҳудудларда ҳам шундай ишлар амалга оширилган. Бундан ташқари, ўнлаб масканларда янги техник қурилмалар аллақачон ўрнатилди. Шу кунларда улар зарурий синовлардан ўтказилмоқда.
Шу билан бирга, Mobiuz чекка қишлоқлар ва аҳоли пунктларини тармоқлари билан қамраб олишни янада кенгайтириш бўйича ишлар олиб бормоқда. Қорақалпоғистон Республикаси ва мамлакатимизнинг барча вилоятларида янги таянч станцияларини ишга тушириш ва мавжудларини модернизация қилишнинг асосий босқичи бошланди.
Жумладан, Кармана (Кармана тумани), Зангиота, Эшонгузар, Эркин (Зангиота тумани), Тозабоғ (Элликқалъа тумани), Хўжа Якшанба (Когон тумани), Қора Қўнғирот (Касби тумани) каби қишлоқларида ҳамда бошқа кўплаб аҳоли пунктларида таянч станциялари тижорий фойдаланишга топширилди.
Mobiuz’нинг барча янги ва модернизация қилинган таянч станциялари ҳақидаги маълумотлар манзиллари билан биргаликда MyMobiuz Telegram каналида эълон қилинмоқда.
Реклама ҳуқуқи асосида.
