VEON Ltd. дунёдаги етакчи алоқа ва интернет хизматлари етказиб берувчиси ва Amdocs коммуникация ва медиа компаниялари учун етакчи дастурий таъминот ҳамда хизматлар етказиб берувчиси етти йиллик келишув имзоланишини эълон қиладилар. Ушбу келишув VEON’нинг Ўзбекистон ва Қозоғистондаги мижозларига инновацион рақамли хизматларни тақдим этиш имконини беради.
Кутилишича, келишув VEON гуруҳига кирувчи Beeline мобил алоқа оператори томонидан Ўзбекистон ва Қозоғистонда инновацион рақамли хизматлар ва шахсийлаштирилган сервисларни ишга тушириш учун асос бўлади. Бу иш Amdocs компаниясининг тайёр архитектурага асосланган микросервислар портфелини булутли технологияларга жорий этиш туфайли рўй беради. Улар VEON гуруҳи компанияларига ўз сервисларини монетизациялаш ва тижоратлаштиришни ривожлантириш имконини беради.
Рақамли оператор стратегиясини амалга ошириш туфайли, VEON гуруҳи компаниялари ўз мижозларига ва корпоратив буюртмачиларига илғор молиявий, кўнгилочар ва таҳлилий хизматларни таклиф этади. 2021 йил 30 июнь ҳолатига 9 та мамлакатда фаолият юритувчи ва абонентлар базаси 213,7 миллион кишидан иборат VEON Group 18,8 миллион нафар рақамли контент фойдаланувчисига ҳамда 19,4 миллион нафар рақамли молиявий хизматлар фойдаланувчисига хизмат кўрсатди, шунингдек, мижозлар билан ишлашни рақамли форматга ўтказишда ёрдам бериб, ўн минглаб савдо корхоналарини қўллаб-қувватлади. Қолаверса,VEON гуруҳи компаниялари ўзига ўзи хизмат кўрсатиш мобил иловалари ёрдамида 28 миллион нафар фойдаланувчини қамраб олади.
«VEON дунёдаги етакчи рақамли оператор бўлиш сари қадам қўймоқда. Инновацияларга қобиллик, мижозларимизга таклиф этишимиз мумкин бўлган рақамли хизматларни мослаштириш мана шу йўл асосини ташкил қилади. Амдоcс компанияси VEON’нинг узоқ муддатли ишончли ҳамкори саналади ва рақамли инновациялар сари боришимизда бизга ҳамроҳлик қилади. Ушбу келишув биз учун бизнеснинг мослашувчанлигини ва АТ фаолиятининг юқори тезлигини таъминлайди, у трансформация ва рақамли оператор стратегиясини амалга ошириш жараёнида ниҳоятда зарурдир», — деб изоҳлади VEON Group бош директори Каан Терзиоглу.
«Amdocs билан ҳамкорлик бизга компания АТ-инфратузилмасини жиддий модернизациялаш имконини беради. Бунинг натижасида янги хизматларни ишлаб чиқиш ва бозорга чиқаришнинг янада жадал суръатларида намоён бўлади. Шу тариқа, мижозларимиз энг илғор рақамли сервислардан тезроқ фойдалана оладилар», — дейди Beeline Uzbekistan бош директори Анджей Малиновски.
«Биз Ўзбекистон ва Қозоғистондаги мижозларининг манфаатлари йўлида VEON компаниялар гуруҳи билан узоқ муддатли муносабатларимизни кенгайтиришдан мамнунмиз. Янги рақамли хизматларнинг осон татбиқ этилиши, бозорга жадал чиқариш ва шахсийлаштиришдаги тажриба билан уйғунликда, ушбу бозорлардаги истеъмолчиларга коммуникация ва медианинг янги авлоди афзалликларидан фойдаланиш имконини беради, шунингдек, келгуси ўсиш ва инновацияларга асос бўлади», — дейди Amdocs Management Limited президенти ва бош директори Шуки Шеффер.
Келишув доирасида Amdocs монетизация, хизматлар ва тармоқлар, каталогларни бошқариш тизимларини автоматизациялаш бўйича янги ечимлар тақдим этади, шунингдек, рақамли хизматлар учун янги, кўп каналли интерфейслар ишлашини таъминлайди.
Ўзбекистон ва Қозоғистон Beeline бренди остида фаолият юритувчи VEON учун жадал ўсиб бораётган бозорлар саналади. 2021 йил 30 июнь ҳолатига VEON’нинг Ўзбекистондаги 6,7 миллион мижозидан 56 фоиздан кўпроғи рақамли хизматлардан фойдаланиш имконига эга 4G абонентлари саналади, Қозоғистонда эса 10 миллион мижознинг 58 фоиздан зиёди 4G хизматларидан фойдаланади.
VEON глобал алоқа ва рақамли хизматлар етказиб берувчиси бўлиб, NASDAQ ва Амстердамдаги Euronext’да рўйхатга олинган. У дунё аҳолисининг 9 фоизи яшайдиган тўққизта мамлакатда хизмат кўрсатади. Компаниямиз технологик хизматлар ёрдамида ҳаёт тарзини ўзгартиради, бу хизматлар дунёдаги энг жадал ривожланаётган бозорларнинг айримларида имкониятларни янада кенгайтиради.
Қўшимча ахборот олиш учун: https://www.veon.com
Amdocs тўғрисида
Amdocs ўз келажагини бунёд этаётганларга уни янада гўзал қилишда ёрдам беради.
Бозорда етакчилик қилаётган дастурий маҳсулотлар ва хизматлар портфелимиз туфайли биз мижозларнинг инновацион салоҳиятини юзага чиқарамиз ва уларга ҳам оммавий, ҳам корпоратив сегментларда сервисларни индивидуаллаштириш учун янги авлод коммуникация ва мултимедиа хизматларини тақдим этиш имкониятини яратамиз.
Amdocs’нинг бутун дунёдаги 27000 нафар ходими провайдерлар сервисининг булутли технологияларга ўтишини жадаллаштиришда, 5G технологиялари даврида дифференцияланишда, фаолиятларини рақамлаштириш ва автоматизациялашда ёрдам беради.
Amdocs NASDAQ Select глобал бозорида котировкаланади ва 2020 молиявий йилда 4,2 миллиард доллар миқдорида тушумга эга бўлди.
Қўшимча ахборот олиш учун: www.amdocs.com
«Unitel» МЧЖ 2006 йил 12 сентябрдан BeelineUzbekistan савдо белгиси остида хизматларни тақдим этади. BeelineUzbekistan бош қароргоҳи Амстердам (Нидерландия)да жойлашган VEON халқаро телекоммуникация холдингининг бир қисми саналади. VEON дунёнинг 9 та мамлакатида 213 миллиондан зиёд абонентга эга глобал телекоммуникация ва интернет-хизматлар провайдеридир. Унинг акциялари NASDAQ ва Euronext Amsterdam фонд биржаларида котировкаланади. Beeline Uzbekistan’да 1,6 минг атрофида ходим ишлайди. 2006 йилда Ўзбекистон бозорига кириб келганидан бошлаб, VEON мамлакат телекоммуникация индустриясига 1,2 миллиард АҚШ долларидан зиёд маблағ инвестициялаган. Ўзбекистонда Beeline СБ остидаги фаолияти давомида 1,8 миллиард доллардан зиёд миқдорда солиқ тўлаган.
Сайт: beeline.uz
Facebook: fb.com/beeline.uz
Instagram: beeline_uzbekistan
Telegram: t.me/uzbeelineuzb
Twitter: twitter.com/beeline_uz
LinkedIn: https://www.linkedin.com/company/beelineuzbekistan
Реклама ҳуқуқи асосида.
Изоҳ (0)