Куни кеча Тошкентда Mediva эстетик тиббиёт клиникаси ўзининг икки йиллигини нишонлади. Ушбу қисқа муддатга қарамай, клиникага Ўзбекистон Республикаси тиббий туризм ассоциацияси томонидан «5 юлдуз» сертификати берилди. Бу эса, шубҳасиз, кўрсатилаётган хизматлар жаҳон сифат стандартларига мос келишидан далолат беради.
Клиника асосчиси Луиза Тажиалиевна Шарахметова: «2019 йил Mediva клиникаси эшикларини очар эканмиз, олдимизга аниқ бир вазифани қўйдик: Ўзбекистонда эстетик тиббиёт йўналиши ривожланишининг бир қисми бўлиш. Шунингдек, юрт фуқароларининг саломатлигини асраш ва ёш кўринишини сақлаб қолишга ёрдам берадиган энг илғор ускуна ва технологияларни олиб келишдир. Дунё бўйлаб кўп саёҳат қилиб, муайян тажриба тўплашга муваффақ бўлдим. Ушбу тажриба менга Ўзбекистоннинг энг яхши шифокорларини бир жамоага тўплаб, кўп тармоқли клиникани яратишга ёрдам берди».
Икки йил ичида Mediva етти мингдан ортиқ мижознинг ишончини қозонишга муваффақ бўлди. У юқори даражада хизмат кўрсатиш ва мижозларга бўлган самимий муносабати орқали кўплаб инсонлар қалбидан муносиб жой эгаллади. Бугунги кунда Mediva — бу эстетик тиббиёт, дерматология, стоматология, шу жумладан, болалар стоматологияси, гинекология, ультратовуш соҳасидаги энг илғор ва замонавий тиббиёт ускуналарини қўллайдиган кўп тармоқли тиббиёт муассасасидир. Клиникамиз фаолиятида аппаратли муолажаларга алоҳида урғу берилганлиги боис, бизнинг шифокорлар фақатгина юқори технологияли тиббиёт ускуналаридан фойдаланишади. Ўтган йил мобайнида, Mediva клиникасида аппаратли хизматлар сони икки баробарга оширилди, бу эса беморлар орасида клиникага бўлган талаб ошганини кўрсатади.
Беш юлдузли клиникамизда шахсий парвариш учун барча имкониятлар яратилган. Клиникамизда соғлом турмуш тарзини қўллаб-қувватлашга қаратилган, қаришга қарши ва коррекцион усуллар, акне, варикоз, тери эстетик муаммоларини, шунингдек, аёллар репродуктив тизими касалликларини даволовчи турли муолажалар мавжуд.
Mediva клиникаси асосчиси Шарахметова Луиза Тажиалиевнанинг «Ўзбекистонда тиббиётни ривожлантиришга қўшган ҳиссаси учун» медали билан тақдирлангани, унинг бизнесда улкан муваффақиятларга эришаётган аёллардан эканини яна бир исботлайди. Тез орада, Тошкентда Луиза Шарахметова раҳбарлиги ва иштирокида «аёл ва бизнес» мавзусида семинар бошланади. Мазкур семинар давомида тадбиркор аёл нуқтаи назаридан мамлакатимизда замонавий бизнес юритишнинг мавжуд асосий масалалари ва муаммолари аниқланади ҳамда ўз бизнесини очишга оид бўлган мавзулар ўтилади.
Манзил: Яккасарой тумани, Аския кўчаси, 26 Б уй
Телефонлар: +99871 253-95-55, +99897 554-44-55
Facebook: https://www.facebook.com/mediva.clinic/
Instagram: https://instagram.com/mediva_clinic?utm_medium=copy_link
Instagram: https://instagram.com/luizasharakhmetova?utm_medium=copy_link
Telegram: https://t.me/medivaclinicuz
Реклама ҳуқуқи асосида.