«Адолат» социал-демократик партиясидан президентликка номзод Баҳром Абдуҳалимов Шайхонтоҳур туманидаги 132-мактабда ташкил этилган 405-сайлов участкасида овоз берди. «Дарё» мухбирининг хабар беришича, унга оила аъзолари — рафиқаси, ўғли, қизи, келини ва неваралари ҳамроҳлик қилган.

Фото: «Дарё» / Маъмуржон Обраҳматов

Фото: «Дарё» / Маъмуржон Обраҳматов

Фото: «Дарё» / Маъмуржон Обраҳматов

Фото: «Дарё» / Маъмуржон Обраҳматов

Фото: «Дарё» / Маъмуржон Обраҳматов

Фото: «Дарё» / Маъмуржон Обраҳматов

Маълумот учун, Баҳром Абдуҳалимов 1959 йил 27 февралда Тошкент шаҳрида ишчи оиласида туғилган. Миллати — ўзбек. Маълумоти — олий. 1981 йилда Тошкент давлат университети (ҳозирги ЎзМУ)нинг Шарқ факультетини тамомлаган. Ихтисослиги — филолог-шарқшунос, араб ва инглиз тиллари ўқитувчиси. Тарих фанлари доктори, профессор.

Меҳнат фаолиятини 1981 йилда Ливия Араб Республикасида араб тили таржимонлигидан бошлаган. 1983—1987 йилларда Ўзбекистон Фанлар академияси Шарқшунослик институтида кичик илмий ходим, 1987—1990 йилларда ҳарбий хизматни Яман Араб Республикасида ҳарбий таржимон вазифасида ўтаган.

Баҳром Абдуҳалимов 1990—1992 йилларда Ўзбекистон Фанлар академияси Шарқшунослик институтида илмий ходим, 2002—2003 йилларда директор ўринбосари, 2003—2004 йилларда Тошкент шаҳридаги Халқаро Вестминстер университетининг проректори, 2004—2006 йилларда Фанлар академияси Шарқшунослик институти директори, 2006—2008 йилларда Ўзбекистон президентининг миллатлараро муносабатлар масалалари ва дин ишлари бўйича Давлат маслаҳатчиси лавозимларида ишлаган.

2008 йилдан Фанлар академияси Шарқшунослик институтида директор, 2011 йилдан Фанлар академияси Ижтимоий-гуманитар фанлар йўналиши бўйича вице-президенти, 2020 йилдан «Адолат» социал-демократик партияси Сиёсий Кенгаши раиси лавозимларида фаолият юритиб келмоқда. У 2020 йилда «Меҳнат шуҳрати» ордени билан тақдирланган.

Оилали — икки ўғил, бир қизи, уч нафар невараси бор. Рафиқаси Т.Абдуҳалимова — уй бекаси.