Ҳар йили Ўзбекистонда 1 октябрь — Ўқитувчи ва мураббийлар куни нишонланади. Бу шарафли касб кўп асрлар ва ҳатто минг йилликлар давомида қадр топиб келмоқда. Илгари бу тушунча фақат мактаб билан боғлиқ эди, ҳозирда эса унинг кўлами анча кенгайган. Ўқитувчилар, тарбиячилар, усталар бизларга болалар боғчаси, олий ўқув юртлари, турли малака ошириш курслари, қизиқишлар бўйича тўгаракларда билим улашади.
Ўзбекистонда бу касб вакилларига алоҳида ҳурмат ва эҳтиром кўрсатилган. 1997 йилда эса расман уларнинг касб байрами — Ўқитувчи ва мураббийлар куни таъсис этилиб, у ҳар йили 1 октябрь куни нишонланади. Шу куни мазкур касбга алоқадор барча инсонлар, ўз билими ва тажрибаси, қобилияти ва маҳорати, куч-ғайратини аямай, ўзини бутун қалби билан таълим ҳамда маърифат ишига бағишлаган инсонларни шарафлаш анъанага айланган.
ERIELL Group ўзининг ERIELL prof education НТМга эга. Таълим муассасасининг кўп функцияли ўқув фаолияти Ўзбекистон Республикаси Президентининг 2017 йил 20 апрелдаги қарорига мувофиқ йўлга қўйилган бўлиб, янги таълим технологиялари асосида ўқув жараёнига нефть ва газ бизнеси соҳасидаги менежер ва етакчи мутахассисларни қайта тайёрлаш ва малакасини ошириш билан боғлиқ илғор хорижий тажрибани кенг жорий этишга қаратилган. ERIELL prof education — ўз ишининг ҳақиқий усталари. Уларнинг ҳар бирининг ҳаёти нефть ва газ соҳаси билан узвий боғлиқ.
Касб байрами арафасида ERIELL prof education ўқитувчилари қутланди. НТМда лойиҳа йўналишлари, корпоратив маданият, менежмент, психология, логистика ва бошқа мутахассислардан иборат педагогик ходимлар иштирокида тантанали тадбир бўлиб ўтди. Ўқитувчиларни табриклаш учун шунингдек ERIELL Group вакиллари ҳам ташриф буюрди.
«ERIELL prof education’да шарафли касбига содиқ бўлган ўз ишининг ҳақиқий усталари меҳнат қилади. Ҳурматли устозлар, сизларга чин қалбимдан мустаҳкам соғлик, омонлик ва ҳаётингизнинг барча жабҳасида омад ва фаровонлик ёр бўлишини тилайман. ERIELL Group тараққиёти йўлида янги авлодлар билан бой тажрибангизни бўлишишда давом этинг», — деди ўзининг қутлов нутқида ERIELL Group ходимларни бошқариш департаменти директорининг ўринбосари Хуршед Найимович Ходжиметов.
НТМ ўқитувчиларига бебаҳо ва шарафли меҳнати учун ERIELL Group’нинг барча ходимлари номидан гулдасталар ва қимматбаҳо совғалар тақдим этилди.
« ERIELL prof education’да таълим жараёни учун қулай шароитлар яратилган. Ҳамкасбларимга келсак, мен уларнинг ҳар бири билан фахрланаман. Бу ерда шубҳасиз катта оиламиз бўлган ERIELL Group муваффақияти йўлида меҳнат қилиб, ўз билимларини аямаётган энг яхши профессорлар, мутахассислар, мураббийлар фаолият юритади», — деди ERIELL prof education корпоратив ўқув маркази директори, профессор, педагогика фанлари доктори Юсуф Негматович Абдуллаев.
Ўзбек тилида «Устоз отангдек улуғ» деган бир доно мақол бор. Унда бутун ҳаётимиз мазмуни мужассам, зеро ҳар бир инсон учун билим олиш ҳаётдаги энг олий мақсадлардан биридир.
ERIELL Group барча ўқитувчи ва мураббийларни касб байрами билан чин юракдан табриклайди. Ўзбекистоннинг дунё ҳамжамиятидаги нуфузини янада юксалтириш йўлида янги авлодларга билимингиз, тажрибангиз ва энг яхши фазилатларингизни улашиш иштиёқи ҳеч қачон сўнмасин.
ERIELL Group матбуот хизмати
Изоҳ (0)