Қирғизистонда 29 сентябрь, Тошкент вақти билан соат 12:46 да юз берган зилзила Андижоннинг қатор ҳудудларида сезилди. Бу ҳақда ФВВ Сейсмопрогностик мониторинг Республика маркази хабар берди.
Қайд этилишича, зилзила эпицентри Тошкентдан 349 километр жануби-шарқда жойлашган бўлиб, ўчоғи 5 километр чуқурликда, магнитудаси 4,7 баллга тенг бўлган.
Ушбу ерости силкиниши Андижоннинг қуйидаги ҳудудларида сезилган:
- Хонобод тумани — 3-4 балл;
- Қўргонтепа тумани — 3 бал;
- Жалақудуқ тумани — 2-3 балл;
- Хўжаобод тумани —2-3 балл;
- Андижон тумани — 2-3 балл;
- Пахтаобод тумани — 2-3 балл;
- Булоқбоши тумани — 2 балл;
- Андижон шаҳри —2 балл;
- Избоскан тумани — 2 балл.
Изоҳ (0)