Бугун,

  • USD 11095.31
  • RUB 173.84
  • EUR 10772.44

Москва марказидаги Пушкин майдонида КПРФ (Россия Федерацияси коммунистик партияси) томонидан уюштирилган «Ҳалол сайловлар тарафдоримиз» шиори остидаги акция бўлиб ўтди. Meduza мухбирига кўра, унда мингга яқин одам қатнашган. Полиция ҳисоб-китобларига кўра, намойишга 400 га яқин одам чиққан. Москва мерияси митингга рухсат беришдан бош тортди, шундан кейин КПРФ уни сайловчилар билан учрашув шаклида ўтказишга қарор қилди. Майдонда полиция карнайлар орқали одамларни ижтимоий масофани сақлашга чақирди ва акция ноқонуний ташкил этилганини маълум қилди.

Фото: Meduza

Фото: Meduza

Митинг иштирокчилари сиёсий маҳбусларни озод қилишни талаб қилиб «Қўйиб юбор!» деб ҳамда Москвада электрон овоз бериш натижалари бекор қилинишини сўраб «Бекор қил!» дея баралла шиор айтди. Шунингдек, йиғилганлар « ‘Ягона Россия’ мандатларни ўғирлади!» деб қичқириб, сайловларни тан олмасликларини маълум қилди.

Намойишчиларнинг овозини босиш учун полициячилар турли ватанпарварлик қўшиқларини баланд қилиб қўйди.

КПРФ етакчиси Геннадий Зюганов Давлат думасида Владимир Путин билан бўлиб ўтган партиялар етакчилари билан учрашувда қатнашгани туфайли, акцияга келмади. Давлат думаси депутати Владимир Кашин барча йиғилганларга Зюгановнинг саломини етказди. Митингга Давлат думасининг бир нечта депутатлари, депутатликка номзодлар ҳамда Москва давлат думаси депутати келди. Акция бошланганидан кейин тахминан бир соат ўтиб, намойишчилар тарқала бошлади.

25 сентябрь куни КПРФ Россиянинг бошқа шаҳарларида ҳам норозилик акцияларини ўтказди. Хусусан, Уфадаги маҳаллий гайд-паркка қарийб 50 киши тўпланди, «Улар биздан сайловларни тортиб олди» деган плакат кўтарган бир киши қўлга олинди. Екатеринбургда тахминан 200 киши, Улан-Удеда эса 30—40 киши намойишга чиқди.

Москвадаги КПРФ митингидан аввалроқ полициячилар партиянинг баъзи вакилларини, уларнинг ўзлари таърифлаганидек, «қамал қилган».

Бир кеча-кундузда полициячилар Москвада КПРФнинг 60 га яқин вакилларини қўлга олган. Шунингдек, полиция 20 сентябрдаги КПРФ митинги иштирокчиларининг 30 га яқинини жавобгарликка тортган. 25 сентябрь куни Пушкин майдонидаги акцияни ташкиллаштиргани учун «Сўл фронт» координатори Сергей Удалсов 10 суткага ҳибсга олинган.

Эслатиб ўтамиз, 19 сентябрь куни бўлиб ўтган Россия Давлат думасига сайловларда «Ягона Россия» («Единая Россия») партияси овозларнинг 49,82 фоизини тўплаб, етакчи бўлди. Яна тўртта партия — Россия Федерацияси Коммунистик партияси (КПРФ), Либерал-демократик партия (ЛДПР), «Адолатли Россия — ҳақиқат томонида» («Справедливая Россия — за правду») ва «Янги одамлар» («Новие люди») Давлат думасига кириш учун зарур бўлган беш фоизлик тўсиқдан ўтди. Хусусан, КПРФ 18,93 фоиз овоз тўплаб, 9 та мандатни қўлга киритди.

Россиядаги сайловларнинг боришини Евроиттифоқ, Буюк Британия ва АҚШ танқид қилди. Хусусан, Евроиттифоқ вакили Жозеп Боррел Россияда сайловчиларга ўз ҳуқуқларини амалга ошириш имконияти берилмаганини қайд этди. Унинг таъкидлашича, сайловлар арафасида мухолифатчи сиёсатчилар, фуқаролик жамияти ташкилотлари, мустақил ОАВлар ҳамда журналистларга қарши босим кучайган. Буюк Британия Ташқи ишлар вазирлиги Россия сайловларни мониторинг қилиш жараёнига нисбатан киритган асоссиз чекловлардан ҳафсаласи пир бўлганини билдирди. АҚШ Давлат департаменти сайловларда халқаро мажбуриятларга амал қилинмаганини таъкидлади.

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)