Бугун,

  • USD 11095.31
  • RUB 173.84
  • EUR 10772.44

Сирдарё вилояти ИИБ ижтимоий тармоқларда қимматбаҳо буюмлардан иборат хазина топиб олингани тасвирланган видеони тарқатган эркак бўйича маълумот берди.

Кадр: Telegram

Кадр: Telegram

Ижтимоий тармоқларда Сирдарё тумани «Наврўз» маҳалласида қурилиш олиб бораётган усталар томонидан 16 метр чуқурликда қиймати 97 миллион долларлик қадимий буюмлар топиб олингани ҳақида видео тарқалди.

Сирдарё вилояти ИИБ ахборот хизмати хабарига кўра, ҳолат бўйича ИИБ масъул ходимлари томонидан суриштирув олиб борилган. Аниқланишича, «Наврўз» маҳалласида яшовчи Ю.А аккаунтига обуначилар йиғиш мақсадида ёлғондан темирдан ясалган буюмларни тилла рангга бўяб чиққан ва бу бўйича видео тасвирга олиб, ижтимоий тармоқларга жойлаган.

Кейинроқ ижтимоий тармоқ фойдаланувчиси обуначиларини кўпайтириш мақсадида ёлғон хабар тарқатганини айтиб, узр сўраб чиққан.

Вилоят ИИБ ижтимоий тармоқ фойдаланувчиларига аҳоли ўртасида ёлғон маълумот тарқатганлик учун жавобгарлик мавжудлигини эслатиб ўтган.

Аввалроқ Сўх туманидаги зиёратгоҳдан 1 килога яқин тилла тангалар топилгани ҳақидаги хабарга аниқлик киритилганди.

Изоҳ
Асосий янгиликлар
Маҳаллий
Солиқлар, жарималар, коммунал ва бошқа тўловларни қандай қилиб уйдан чиқмасдан тўлаш мумкин?
Маҳаллий
БАА Ўзбекистон заргарлик саноатига инвестиция киритиши кутиляпти
Дунё
Зеленскийнинг рафиқаси украиналиклар чироқсиз ва иссиқликсиз яшашга розилигини маълум қилди