Беш юз минг доллар ва ундан кўп: Голливуд юлдузлари тансоқчиларига қанча маблағ тўлайди?

Турли сабабларга кўра тансоқчи ёллаган машҳурларнинг хавфсизлик учун қанча пул тўлаши ҳақида маълумот бериб ўтамиз.

Кейт Миддлтон

Қироллик оиласи аъзолари қўриқчиларга бошқалардан кўпроқ маблағ сарфлайди. Маълум бўлишича, Кейт ва унинг турмуш ўртоғи Уильямнинг хавфсизлигига ҳар йили 20 миллион доллар тўланадиган профессионаллар жавоб беради.

Меган Маркл ва шаҳзода Гарри

2020 йилда Меган ва Гарри қироллик оиласидаги ҳуқуқ ва имтиёзларидан воз кечган. Айни вақтда Америкада яшаб тез-тез бошқа мамлакатларга ташриф буюрадиган жуфтлик ҳалигача хавфсизлигига алоҳида эътибор қаратади. Маълум бўлишича, улар қўриқчиларга бир йил учун 6-8 миллион доллар тўлайди.

Кайли Женнер

Кайли миллионлаб маблағ тўлайдиган қўриқчиларисиз кўчага чиқмайди. Унинг айтишича, кўчада ёлғиз юрса, ўзини ноқулай ҳис қилади. Бу, балки, журналистлар, мухлислар, кези келганда эса уни жини суймайдиган кишилар безовта қилиши билан боғлиқ бўлиши мумкин. У қўриқчилар учун ойига 300-400 минг доллар сарфлайди.

Ким Кардашьян

Аввалроқ Ким хавфсизлиги ҳақида ҳозиргидек қайғурмаган, унга мухлислари билан кўчада гаплашиш, дастхат бериш ёққан,ҳатто. Аммо ҳаммаси 2016 йил Париждаги меҳмонхоналардан бирида унга ҳужум қилинганидан кейин ўзгарган. Ким турган хонага бостириб кирган ўғрилар унинг оёқ-қўлини боғлаб, умумий қиймати бир неча ўн миллион долларни ташкил қиладиган тақинчоқларни олиб чиқиб кетган. Қизиғи, у вақтда ҳам моделнинг қўриқчиси бўлган. Аммо у Кимнинг сингиллари билан клубга кетган бўлган. Шундан кейин тансоқчсини ишдан бўшатган Ким янги қўриқчиларни ёллаган. Бугунги кунда унинг уч нафар қўриқчиси бор. Модель уларга йил давомида 2-7 миллион доллар миқдорда маблағ сарфлайди.

Бейонсе

Бейонсе ҳам хавфсизлигига алоҳида эътибор берадиганлардан. У бир неча йилдан буён қўриқчи Юлиус Де Бур билан ҳамкорлик қилади. Инсайдерларнинг маълум қилишича, хонанда уйи ва ўзини ҳимоя қилгани учун Юлиусга йилига икки ярим миллион доллар тўлайди.

Анжелина Жоли

Ҳамиша болалари ҳақида қайғурадиган актриса уларнинг хавфсизлиги учун исталган миқдорда пул тўлашга тайёр. У қўриқчиларига бунинг учун йилига икки миллион доллар тўлайди.

Рианна

Рианна мухлисларини яхши кўради, аммо улар баъзида хонандани ҳоли-жонига қўймайди. Шунингдек, журналистлар ва папарацци таъқиби туфайли ҳам кўчага бемалол чиқа олмайди. Бундай вазиятларда жонига оро кириши учун ҳам қўриқчи ёллашга қарор қилган. Рианна хавфсизлиги учун йилига 500 минг доллар тўлайди.