Қишга тайёргарлик: узумдан хуштаъм компот ёпамиз

Совуқ қиш кунлари учун хушбўй ва тетиклантирувчи ичимлик. Қуйидаги маҳсулотлар 3 литрли банка учун мўлжалланган.

Керакли маҳсулотлар:

• узум — 1500 г;
• лимон — 2-3 бўлак;
• сув — 2-3 л;
• шакар — 350 г.

Тайёрланиш жараёни:

1. Узумни яхшилаб ювинг, шохларини олмасангиз ҳам бўлади.
2. Стерилизация қилинган банкага узум, лимон солиб, устидан қайнаган сув қуйинг ва 15 дақиқага қолдиринг.
3. Банкадаги сувни бошқа идишга тўкиб, шакар солинг ва шакар эригунча қайнатинг.
4. Тайёр сиропли сувни банкага қайтадан солинг, қопқоқ билан яхшилаб беркитинг.
5. Компотли банкани тўнкариб, совигунча сочиқ билан ўраб қўйинг.

Ёқимли иштаҳа!