Ўзбекистон Республикаси Вазирлар Маҳкамасининг 2017 йил 24 октябрдаги 1198-ф сонли фармойишига кўра, Тошкент шаҳридаги «Қўйлиқ деҳқон бозори» АЖ ҳудудида савдо ва хизмат кўрсатиш фаолиятини амалга ошираётган хўжалик юритувчи субъектлар ва фуқаролар (фермер, деҳқон хўжаликлари) савдо комплекси қурилиши якунланганидан сўнг, белгиланган тартибда янги савдо комплексига кўчирилиши белгиланган.
Ҳозирги кунда ушбу замонавий савдо комплексининг қурилиш ишлари 99 фоиз якунланган ва фармойишга мувофиқ кўчириш ишлари амалга оширилиши белгиланган. Ушбу янги бозор Ўзбекистондаги биринчи қишлоқ хўжалиги кластери ва энг замонавий савдо майдончаси сифатида Food City кўринишида иш фаолиятини олиб боради. Шунингдек, ушбу бозорда Ўзбекистонда биринчи Cross-docking логистика операцион тизими қўлланилди. Бу тизим товарларни омборда сақлаш босқичини истисно қилади, аниқроқ қилиб айтганда сиз маҳсулотни йиғилган жойидан сотиб оласиз, кўпгина омборлар ва сотувчиларни четлаб ўтасиз, шу билан сиз тўғридан-тўғри жойидан янги маҳсулотни оласиз.
Ушбу янги Food City қуйидагиларни ўз ичига олган:
- бозор озиқ-овқат маҳсулотлари билан савдо қилишга мўлжалланган;
- иш вақти — 24/7;
- савдо бозори 20 000 квадрат метр майдонни эгаллайди;
- бозорда замонавий совутиш тизими мавжуд бўлиб, йил давомида маҳсулотларни бир хил ҳароратда сақлаш имкониятини беради;
- 2500 та савдо дўконлари ва витриналар мавжуд;
- 36000 квадрат метр майдонни эгаллаган cross-docking;
- 3 000 та енгил автомобиль сиғимига мўлжалланган замонавий автомобиль тўхташ жойи;
- 400 та юк машинаси сиғимига мўлжалланган замонавий автомобиль тўхташ жойи;
- 250 ўринга мўлжалланган замонавий меҳмонхона комплекси;
- қуруқ омбор 6000 квадрат метр майдонни эгаллайди;
- совутгич омбор 6000 квадрат метр майдонни эгаллайди;
- музлаткич омбор 10 000 квадрат метр майдонни эгаллайди;
- бизнес марказ;
- хизмат кўрсатувчи банк — «Трастбанк»;
- шаҳар ичи ва шаҳар ташқарисига қатновчи 36 та автобусга мўлжалланган автобус тўхташ бекати;
- йўналиш таксилари учун тўхташ бекати;
- енгил ва юк автомобиллари диагностикаси ва таъмирлаш автосервиси.
Ёпиқ бозор
Ёпиқ бозор ҳудудида савдо қилувчилар учун барча шарт-шароитлар яратилган.
- Аёллар ва эркаклар учун намоз ўқиш учун ажратилган хоналар;
- Фуд-корт (ошхона);
- Озиқ-овқат аравачаси;
- Трассадан асосий 2 кириш жойи мавжуд бўлиб, биттаси юк автомобиллари учун, иккинчиси енгил автомобиллар учун 24/7 хизмат кўрсатувчи авто паркинг;
- 2500 савдо дўконлари ва савдо павильонлари;
- Улгуржи, чакана нархлар;
- Дорихона;
- Банкоматлар;
- Химчистка;
- Майда таъмирлаш жойи;
- Алоқа салонлари;
- Сартарошхоналар;
- Авиа ва темир йўл чипталари;
- Юридик ва консалтинг хизматлари;
- Божхона расмийлаштириш ва логистика;
- Маҳсулотларни тўғридан-тўғри етказиб бериш хизмати;
Янги Food City’да 5 та кросс-док хизмат кўрсатади, унда бир пайтнинг ўзида 400 фурага хизмат кўрсатиш имконияти мавжуд.
Қулайликлар:
- кросс-док ҳудудида доимий қўриқлаш хизмати мавжуд;
- иқлим назорати, йил давомидаги ҳаво ҳарорати +13 C;
- товарни тушуриш ва ортиш ҳудуди 6 квадрат метр;
- бир кунда бир неча маротабалик маҳсулотлар нархини мониторинг қилиш.
Замонавий меҳмонхона комплекси 250 ўринга мўлжалланган ва қуйидаги қулайликларга эга:
- иш вақти 24/7;
- автомобиль тўхташ жойи;
- текин Wi-Fi;
- лифт хизмати;
- кир ювиш хизмати;
- меҳмонхона номерлари 3 даражали: hostel, standart ва premium;
- нархлар қулай ва ҳамёнбоп.
Омбор хизмати
Янги Food City’да 3 турдаги омбор хизмати мавжуд:
1. Қуруқ омбор 6000 квадрат метр майдонни эгаллайди. Бу омборда асосан маълум даражадаги ҳароратда сақланиши талаб этилмайдиган маҳсулотлар сақланади. Мазкур омборда маҳсулотларни ишончли сақланишини кафолатлаш мақсадида видеокузатув камералари ўрнатилган ва улар 24 соат ишлайди. Юкларга зарар бермай жойлаштириш мақсадида, замонавий юк ташкувчи техникадан фойдаланилади.
2. Совутгич омбор 6000 квадрат метр майдонни эгаллайди. Мазкур омборда маълум бир ҳароратда сақланиши лозим бўлган озиқ-овқат маҳсулотлари сақланади. Ушбу маҳсулотларни ишончли сақланишини кафолатлаш мақсадида видеокузатув камералари ўрнатилган ва улар 24 соат ишлайди.
3. Музлаткич омбор 10 000 квадрат метр майдонни эгаллайди. Ушбу омборда совуқ ҳароратда сақланиши лозим бўлган ва тез айнишга мўлжалланган маҳсулотлар сақланади. Ушбу маҳсулотларни ишончли сақланишини кафолатлаш мақсадида видеокузатув камералари ўрнатилган ва улар 24 соат ишлайди.
Бизнес марказ
Савдо комплексида замонавий 4 қаватли бизнес маркази мавжуд. Ушбу марказда молиявий ишлар ва иқтисодий иш фаолиятини олиб бориш учун керакли инфраструктура, замонавий техника ва жиҳозлар билан таъминланган. Барча хоналар интернет билан жиҳозланган.
«Янги Қўйлиқ деҳқон бозори»нинг манзили:
Тошкент вилояти, Ўрта Чирчиқ тумани
Телефон: +99855 500 00 04
Сайт: foodcitytashkent.uz
Бозор ҳақида кўпроқ маълумот олишни, фотосуратлар ва видеоларни кўришни хоҳласангиз, шу тугмани босинг foodcitytashkent.uz.
Реклама ҳуқуқи асосида.
Изоҳ (0)