«International Job Organization – хусусий бандлик агентлиги» МЧЖдан жабр кўрганларга маблағларини қайтариш ишларини олиб бермоқда, дея «Дарё»га хабар бермоқда Мажбурий ижро бюроси ахборот хизмати.

Фото: МИБ

Жиноят ишлари бўйича Шайхонтоҳур туман судининг 2021 йил 15 июлдаги ижро варақасига асосан «International Job Organization – хусусий бандлик агентлиги» МЧЖ мансабдор шахслари Ш.А. ва бошқаларнинг жиноят иши бўйича дастлабки тергов органи томонидан хатланган.

Маълум қилинишича, 1,9 миллиард сўм пул маблағлари ҳамда жами 13,7 миллиард сўмлик мол-мулкларни 1 300 нафар ундирувчиларга етказилган моддий зарарларни қоплашга қаратиш тўғрисидаги ижро ҳужжати Бюронинг Тошкент вилояти бошқармаси иш юритувига келиб тушиб ижро иши қўзғатилган.

Ижро ҳаракатлари давомида хатланган пул маблағларини Бюронинг Тошкент вилояти бўлими депозит ҳисоб рақамларига ўтказиш юзасидан тегишли ташкилотларга мурожаат қилиниб, ушбу пул маблағлари депозит ҳисоб рақамида жамланган.

Ҳозирда мазкур хусусий бандлик агентлигидан жабрланган 299 нафар фуқаролар мурожаат қилиб, ўзларига тегишли ҳисоб рақамлар хақидаги маълумотларни тақдим қилган.

Ариза топширган фуқаролардан жами 484 нафар фуқароларга 1,1 миллиард сўм тақсимланган пул маблағлари ўтказилиши таъминланган.

«Жамиятдан жабр кўрган фуқароларининг аксарияти вилоятларда яшашини инобатга олиб, уларга янада қулайлик яратиш ва ортиқча оворагарчиликларнинг олдини олиш мақсадида, ишчи гуруҳга +998(33)086-61-31 рақамли Telegram мессенжери орқали жабрланувчилар ҳақидаги (паспорт нусха, пластик карточка, банк реквизитлари ва илтимоснома) маълумотларни юбориш сўралади. Ёки, бевосита Бюронинг Тошкент вилоят бошқармасига ҳафтанинг душанба–жума кунлари соат 09:00 дан 18:00 га қадар келиб мурожаат қилишлари ҳамда маълумот учун 71-231-68-89 ва 71-263-53-13 рақамлари орқали боғланиш мумкинлиги маълум қилинади.

Шунингдек, жабрланган ўз маблағларини олиш учун ҳудудий МИБ бошқармаларига ҳам мурожаат этишлари мумкин», – дейилади МИБ хабарида.

Мавзуга доир: