Сирдарё вилояти Мирзаобод тумани, «Деҳқонобод» МФЙ ҳудудидаги дала майдони четидаги буталар орасидан 2021 йилнинг 10 сентябрь куни соат 13:50 да аёл жасади топилган. Бу ҳақда Сирдарё вилояти ИИБ ахборот хизмати маълум қилди.
Хабарга кўра, марҳум ёқиб юборилган. Мазкур ҳолат юзасидан ҳуқуқни муҳофаза қилувчи органлар ходимлари томонидан олиб борилган тезкор суруштируви давомида, номаълум мурданинг шахсига аниқлик киритилиб, ушбу жиноятни содир қилган шахслар С.К. ҳамда унинг жиноий шериклари Л.К., С.М., B.Д. ва Ж.М. экани аниқланиб, эҳтиёт чораси сифатида қамоққа олинган.
Ҳозирда ҳолат юзасидан Мирзаобод туман прокуратураси томонидан Жиноят кодексининг 97-моддаси 2-қисми «ж» банди (ўта шафқатсизлик билан одам ўлдириш) билан жиноят иши қўзғатилиб, тергов ҳаракатлари олиб борилмоқда.
Изоҳ (0)