Ижтимоий тармоқларда Ўзбекистон бош муфтийси лавозимига Тошкент шаҳар бош имом-хатиби Нуриддин Холиқназаров тайинлангани ҳақида хабарлар тарқалди. Идоранинг пойтахт вакиллиги матбуот хизмати мазкур хабарларни рад этиб чиқди.
«Ўзбекистон мусулмонлари идораси Тошкент шаҳар вакиллиги шуни маълум қиладики, устоз Нуриддин домла Холиқназаров айни дамда Тошкент шаҳар бош имом хатиби лавозимида фаолият юритмоқдалар. Тасдиқланмаган хабарни тарқатишда Аллоҳдан қўрқинг», — дейилади хабарда.
Эслатиб ўтамиз, Ўзбекистон мусулмонлари идораси раиси, муфтий Усмонхон Алимов 16 август куни 71 ёшида вафот этганди. Жаноза намози ва таъзия маросимлари 16 август куни Самарқанд вилояти Иштихон тумани Орлот қишлоғи «Эшони Темирхон Тўра» (аввалги «Орлот» масжиди) жоме масжидида бўлиб ўтган.
Изоҳ (0)