Ijtimoiy tarmoqlarda O‘zbekiston bosh muftiysi lavozimiga Toshkent shahar bosh imom-xatibi Nuriddin Xoliqnazarov tayinlangani haqida xabarlar tarqaldi. Idoraning poytaxt vakilligi matbuot xizmati mazkur xabarlarni rad etib chiqdi.
“O‘zbekiston musulmonlari idorasi Toshkent shahar vakilligi shuni ma’lum qiladiki, ustoz Nuriddin domla Xoliqnazarov ayni damda Toshkent shahar bosh imom xatibi lavozimida faoliyat yuritmoqdalar. Tasdiqlanmagan xabarni tarqatishda Allohdan qo‘rqing”, — deyiladi xabarda.
Eslatib o‘tamiz, O‘zbekiston musulmonlari idorasi raisi, muftiy Usmonxon Alimov 16-avgust kuni 71 yoshida vafot etgandi. Janoza namozi va ta’ziya marosimlari 16-avgust kuni Samarqand viloyati Ishtixon tumani Orlot qishlog‘i “Eshoni Temirxon To‘ra” (avvalgi “Orlot” masjidi) jome masjidida bo‘lib o‘tgan.
Izoh (0)