Ўзбекистон миллий терма жамоаси 5 сентябрь, якшанба куни Швецияга қарши ўртоқлик ўйинида иштирок этди.
Стокгольмда бўлиб ўтган баҳсда шведлар 2:1 ҳисобидаги ғалабани қўлга киритди. Учрашувнинг 6-дақиқасида Абдулла Абдуллаев қанотдан узатиб берилган тўпни ўз дарвозасига жойлаб қўйди. 35-дақиқада Исаак Телин ҳисобни ишончли кўринишга келтирди.
71-дақиқада Элдор Шомуродов дарвозабон билан бирга бир вазиятга чиқиб борди ва ҳисобни қисқартирди. Қолган вақтда ҳисоб ўзгармади.
Қайд этиш керак, бу Ўзбекистон терма жамоаси учун янги мураббий Сречко Катанец қўл остидаги илк учрашув эди.
Ўртоқлик ўйини
5 сентябрь, якшанба
Швеция — Ўзбекистон 2:1
Голлар: 1:0 – 6, автогол Абдуллаев, 2:0 – 35 Телин, 2:1 – 71 Шомуродов.Швеция: Нордфелдт, Ёҳанссон (Сундҳрен, 62), Даниэлссон (Классон, 81), Нилссон, Олссон, Сема, Сванберг (Старфелт, 62), Каюсте, Карлссон, Телин, Квайсон (Ларссон, 62).
Ўзбекистон: Элдор Суюнов, Достон Турсунов, Абдулла Абдуллаев, Ҳожиакбар Алижонов (Иброҳимхалил Йўлдошев, 76), Фаррух Сайфиев, Отабек Шукуров, Одил Ҳамробеков (Азиз Омонов, 89), Ойбек Бозоров (Аброр Исмоилов, 51), Жалолиддин Машарипов (Ҳожимат Эркинов, 89), Фаррух Икромов (Санжар Қодирқулов, 50), Элдор Шомуродов (Игорь Сергеев, 76).
Огоҳлантиришлар: Ҳамробеков (52), Оллсон (52).
Изоҳ (0)