Токиода иштирокини якунлаган ўзбекистонлик паралимпиячилар, Манчестерга етиб келган Роналду, мундиалда қатнашадиган футзалчилар. Энг сўнгги спорт янгиликлари

Дунё ва ўзбек спортига оид 4 сентябрь кунининг муҳим хабарлари дайжести билан танишинг.

Ўзбекистон

Нурхон Қурбонова пара-енгил атлетиканинг Ф54 тоифасида найза улоқтириш баҳсларида кумуш медалга сазовор бўлди. Қайд этиш ўринли, Нурхон Қурбонова Токио—2020 Паралимпия ўйинларининг ядро улоқтириш секторида бронза медалига сазовор бўлган эди. Шу тариқа у ўзининг мусобақадаги иккинчи медалини қўлга киритди.

Пара-таэквондочи Гулжаной Раимова эса +58 кг вазн тоифасида олтин медал учун баҳсда бразилиялик Менезес Безеррани 8:4 ҳисобида мағлубиятга учратди.

Шу тариқа Ўзбекистон делегацияси Токио—2020 Паралимпия ўйинларидаги иштирокини якунлади. Делегация умумий ҳисобда 19 та медал (8 та олтин, 5 та кумуш ва 6 та бронза) жамғарди. Мусобақа 5 август куни ўз якунига етади.

Молдованинг «Шериф» клуби Жасур Яхшибоевни Европа Чемпионлар Лигаси учун рўйхатдан ўтказди. Ўзбекистонлик ярим ҳимоячи 17-рақам остида ҳаракат қилади.

Эслатиб ўтамиз, «Шериф» Чемпионлар Лигасининг гуруҳ босқичида «Реал», «Интер» ва «Шахтёр» клублари билан куч синашади.

Аввалроқ «Шериф»нинг Яхшибоевни ижарага олгани ҳақида хабар берилганди.

Ўзбекистон футзал терма жамоаси 12 сентябрдан 3 октябргача Литвада бўлиб ўтадиган Жаҳон чемпионатида иштирок этади. Ўзбекистон B гуруҳидан жой олган бўлиб, кейинги босқичга чиқиш учун Миср, Гватемала ва Россия Футбол иттифоқи (Россия) билан куч синашади.

ЎФА матбуот хизмати мазкур мусобақада Ўзбекистон шарафини ҳимоя қиладиган футзалчилар ва гуруҳ босқичидаги ўйинлар санасини маълум қилди.

Футзал, Жаҳон Чемпионати

B гуруҳи

1-тур, 12 сентябрь

20:00. Ўзбекистон – Гватемала

2-тур, 15 сентябрь

22:00. Ўзбекистон – РФИ

3-тур, 18 сентябрь

20:00. Миср – Ўзбекистон

Ўзбекистон терма жамоаси таркиби:

Жаҳон

«Манчестер Юнайтед» ҳужумчиси Криштиану Роналду Манчестерга етиб келди. 36 ёшли португалияликни собиқ жамоадоши, ҳозирда «қизил иблислар»нинг техник директори сифатида ишлаб келаётган Даррен Флетчер кутиб олди.

Роналду бунгача Португалия терма жамоаси ихтиёрида эди. Роналду эндиликда «Манчестер Юнайтед» машғулотларига қўшилишдан олдин 5 кунлик карантиндан ўтиши керак бўлади.

Ҳужумчи Радамель Фалькао Ла Лигага қайтди. Колумбиялик футболчи «Галатасарой»ни тарк этиб, «Райо Вальекано» билан шартнома имзолади.

35 ёшли футболчининг испан клуби билан 1+1 кўринишида шартнома имзолагани айтилмоқда.

«Манчестер Юнайтед» ҳужумчиси Мэйсон Гринвуд Англия Премьер Лигасининг август ойидаги энг яхши ўйинчиси деб топилди.

19 ёшли футболчи ортда қолган ойда 3 ўйинда майдонга тушиб, 3 та гол урганди.