Турли сабабларга кўра табассум қилишни унчалик хушламайдиган Голливуд юлдузлари (фото)

Кўпчилик машҳурлар камералар олдида табассум қилиш имкониятидан жуда яхши фойдаланишади. Бироқ баъзилари жамоат жойларида хурсандчилигини кўрсатмасликни ва юзларида жиддий, тушуниб бўлмайдиган ифодани сақлашни афзал кўришади.

Роберт Паттинсон

Шу камчилиги туфайли актёр «Сумерки»даги ролини деярли йўқотаёзган. Паттинсон Эдвард Кулленнинг ғамгин одам бўлиши кераклигини таъкидлайди, лекин ижодкорлар экранда ҳеч бўлмаганда унинг нимтабассумини кўришни хоҳлашади.

«Эсимда, продюсерлар менга қаҳрамоним ҳар сафар табассум қилган жойлари белгиланган китоб нусхасини беришди», — дейди Роберт. Актёр қайсарлик қилиб оёқ тираб олганида эса уни ишдан бўшатиш билан қўрқитишган.

Ума Турман

Актриса қизил гиламда пайдо бўлгандагина бироз жилмаяди. Бунинг сабаби бор: Турман жилмайишдан уялади. «10 ёшимда кимдир менга ёқимсиз табассум қилишимни айтган, шунинг учун ёшлигимдан жилмайишга уялардим ва ҳеч қачон оғзимни очиб кулолмайман», — дейди Ума Турман.

Кристен Стюарт

Кристен Стюарт экранда ҳам, ижтимоий тадбирларда ҳам табассум қилишни ёқтирмайдиган, ҳиссиётсиз актриса сифатида ёдга олинади. Аммо у папарацсилар эътиборига тушишни хоҳламайди. Бир интервьюсида Стюарт кулишни билишини, аммо ҳамма жойда ҳам бундай қилмаслигини айтган.

Виктория Бекхем

Бекхем хоним фотографлар олдида нейтрал ифодани сақлашни афзал кўради ва йиллар давомида шунга амал қилади. Аммо Spice Girls собиқ аъзосининг маза қилиб кулган пайтлари ҳам бўлган.

Руни Мара

«Аждаҳо татуировкали қиз» фильми юлдузи ҳаммага ҳам табассум қилавермайди. «Менга сохта табассум нега керак? Буларнинг ҳаммаси самимий эмасдек туюлади», — дейди Руни Мара. Шунинг учун актриса фақат хурсанд бўлганидагина кулади.

Билли Айлиш

Замонавий ёшларнинг кумири шунчаки табассум қилишни ёқтирмайди, у ҳатто «Менга табассум қилма» номли альбомини ҳам чиқарган. Дарҳақиқат, машҳур хонанда хушмуомалалик юзасидангина табассум қилишни хоҳламайди. У фақат ўзи хоҳлаган пайтда кулишни афзал кўради.

Канье Уэст

Баъзи фотосуратларда реппер норозидек кўринади. Аммо Каньенинг сўзларига кўра, табассум қилмаслигининг сабаби — у шусиз ҳам ажойиб кўринишни хоҳлайди.

Ким Кардашьян

Канье Уэстнинг собиқ рафиқаси ҳам табассум қилиш борасида ўта хасис. 2014 йилдаги интервьюсида Ким нега доим суратларда шунчалик жиддий кўринишига изоҳ бериб, табассум туфайли юзига ажин тушишидан қўрқишини айтган. Аммо баъзида Кардашьян ҳам табассум қилиб туради.

Дэниэл Крейг

Жеймс Бонд фильмлари юлдузи оддий сабаб билан атрофдагиларни табассум билан сийлашни ёқтирмайди: у папарацсиларни ёмон кўради. Аммо баъзида фотографлар керакли дақиқани топишга муваффақ бўлишади.

Белла Ҳадид

Ташқи томондан таниқли модель совуқ одамга ўхшаб кўриниши мумкин. Бир интервьюсида Белла баъзида камерага табассум қилишдан уялишини тан олган.