Ўзбекистонда президент сайловлари арафасида Афғонистонда ҳам сайлов участкалари очилиши режалаштирилган. Бу ҳақда ташқи ишлар вазирининг биринчи ўринбосари Фарҳод Арзиев 25 август куни бўлиб ўтган матбуот анжуманида маълум қилди, деб хабар беради «Gazeta.uz».
«Дарҳақиқат, қўшни мамлакатда вазият мураккаблигича қолмоқда. Аммо мен оммавий ахборот воситаларига айтмоқчиманки, бизнинг дипломатик ваколатхоналаримиз – Кобулдаги элчихона ва Мозори Шарифдаги консуллик ўз фаолиятини давом эттирмоқда. Шунга асосланиб, бу ваколатхоналарда тегишли сайлов участкаларини бўлиши кўзда тутилган», – деди Фарҳод Арзиев.
Маълумот учун, Ўзбекистоннинг дипломатик ваколатхоналари мавжуд бўлган 38 та давлатда 54 та (55 та дипваколатхона, Ўзбекистоннинг Нью-Йоркдаги бош консулхонаси ва БМТдаги ваколатхонасида биргаликдаги) стационар сайлов участкаси ташкил этилади. Қолаверса, ушбу давлатларнинг 128 та шаҳрида ва дипломатик ваколатхоналар мавжуд бўлмаган 11 давлатда қўшимча равишда жами 316 та кўчма сайлов пункти тайёрланиши режа қилинган.
Изоҳ (0)