«Ўзбекистон темир йўллари» Мустақилликнинг 30 йиллиги муносабати билан ички йўналишларга чегирмалар эълон қилди.
Қайд этилишича, байрам чегирмалари 1—4 сентябрь кунлари амал қилади:
- нафақахўрлар, ногиронлар, 1941-1945 йил уруш қатнашчилари ва уларга тенглаштирилган шахсларга — 50 фоиз;
- ОТМ талабалари, мактаб ўқувчилари, коллеж ва лицей талабалари, ИИВ, МВ, ДХХ, ДС, ДБ махсус таълим муассасалари талабаларига — 15 фоиз;
- оилавий (икки ёки ундан ортиқ киши — эри ва рафиқаси, эри ёки рафиқаси ва 18 ёшгача бўлган фарзандлари, отаси ёки 18 ёшга тўлмаган боласи бўлган она) (никоҳ гувоҳномаси ва қариндошликни белгиловчи ҳужжатлар нусхаси тақдим этилган ҳолда) — 15 фоиз;
- коллектив (ҳамкасбларга) (4 кишидан ортиқ — йўриқнома асосида) – 15 фоиз;
- «Афросиёб» тезюрар электропоездларида барча тоифадаги йўловчиларга — 10 фоиз.
Uzbekistan Airways ҳам Мустақилликнинг 30 йиллиги муносабати билан ички йўналишларга 50 фоизгача чегирмалар эълон қилди.
Ушбу чегирмалар 1 сентябрдан 5 сентябргача амал қилади ва қуйидаги шахсларга тақдим этилади:
- якка тартибдаги йўловчилар учун — 30 фоиз;
- туристик гуруҳлар (5 ва ундан ортиқ киши), ўқувчилар, коллеж, лицей, ОТМ талабалари, ИИБ, МВ, ДХХ, ДСҚ, ДБҚ тизимлари талабалари, эшитувчилари ва бошқа идоралар учун — 40 фоиз;
- оила учун (2 ва ундан ортиқ, яъни: эр-у хотин ва уларнинг 18 ёшдан ошмаган фарзандлари, ота ва унинг 18 ёшдан ошмаган фарзандлари ёки она ва унинг 18 ёшдан ошмаган фарзандлари) — 50 фоиз;
- нафақахўрлар учун — 50 фоиз;
- ногиронлиги бор шахсларга — 50 фоиз;
- 1941—1945 йиллар уруш қатнашчилари ва уларга тенглаштирилган шахсларга — 50 фоиз;
- 1941—1945 йилларда уруш фронтида кўрсатган фидокор меҳнати ва уруш майдонида бенуқсон ҳарбий хизматлари учун орден ва медаллар билан тақдирланганлар учун — 50 фоиз;
- Чернобиль АЭС ҳалокати оқибатларини олдини олишда иштирок этган иштирокчилар учун — 50 фоиз.
Изоҳ (0)