2021 йилнинг сентябрь ойида тақдим этилиши кутилаётган iPhone 13 сериясидаги смартфонлар янги рангларга эга бўлади, деб хабар беради Hi-Tech.Mail.ru.
Эълон қилинган кадрлар расмий эмас, аммо уни яратишда бўлажак iPhone’ларга оид тарқалган миш-мишларга асосланилган. Хусусан, янги серияда иккита янги ранг — Sunset Gold ва Rose Gold пайдо бўлиши кутилмоқда. Иккала версия ҳам тилла рангининг вариацияси ҳисобланади.
Мазкур тасвирлар YouTube’даги Technizo Concept канали муаллифи томонидан яратилган. У ҳатто янги моделларнинг видеосини ҳам эълон қилган, аммо унда янги сериядаги смартфонларни iPhone 12s Pro деб атаган.
Маълумкин, ҳақиқий iPhone 13 Pro худди 13 Pro Max каби 120 герцли тасвир янгиланиши частотасига эга LTPO OLED-дисплейига эга бўлади.
Аввалроқ интернетда iPhone 13 Pro’нинг қувватлантириш «разём»исиз тасвирланган суратлари тарқалган, Apple компанияси iPhone 13 моделлари тақчил бўлишидан огоҳлантирган эди.
Изоҳ (0)