Сериядаги энг катта сиғимли аккумулятор ва IP67 бўйича ҳимоя: Google ўзининг Pixel 5а 5G смартфонини 450 доллар қийматида тақдим этди

Google компанияси Pixel 5а 5G смартфонини расман тақдим этди, деб хабар беради IXBT.

Янги модель алюминий корпусга эга бўлган, чанг ва намликдан IP67 стандарти бўйича ҳимояланган, дисплейи 60 герцли тасвир янгиланиш частотасига эга 6,34 дюймли OLED, процессори — Qualcomm Snapdragon 765G, тезкор хотираси 6 гигабайтли LPDDR4X ва 128 гигабайт ички хотира.

Pixel 5а 5G’нинг асосий камераси иккиталик — 12 ва 16 мегапикселли. Уларнинг биринчиси F/1,7 диафрагмали кенг бурчакли объективга бирлаштирилган, иккинчиси эса F/2,2 диафрагмали кенг бурчакли объектив. Фронтал камерасида 8 мегапикселли датчикдан фойдаланилган. Стереодинамик ва наушниклар учун стандарт разёми мавжуд.

Янги моделнинг ўзидан олдинги вакилларидан ажратиб турувчи фарқи — аккумулятор батареяси сиғимида. Pixel 4а 5G’да 3885 мА/соатли аккумулятордан фойдаланилган бўлса, Pixel 5а 5G’га сиғими 4680 мА/соат бўлган аккумулятор ўрнатилган. Симсиз қувватлантириш функцияси йўқ, симли ўтказгичининг қуввати эса 18 ваттга тенг.

Pixel 5а 5G’ни ҳозирда АҚШ ва Японияда олдиндан буюртма қилиш мумкин. АҚШда смартфон 450 долларга баҳоланган бўлиб, савдолари 26 августдан бошланади.

Аввалроқ интернетда митти фронтал камерага эга Google Pixel 6’нинг «жонли» сурати пайдо бўлгани тўғрисида хабар берилганди.