Ижтимоий тармоқларда биринчи авлод Range Rover Evoque автомобили «автомойка»ни жиддий шикастлар билан тарк этгани тасвирланган видео тарқалди. Машинани ювиш жараёнида йўлтанламас эгаси тасодифан юкхонани очиб юборган ва автомобилни одатдаги тозалаш ишлари ўрнига бузилган бешинчи эшик ва кўпикли сувга тўлган салонга эга бўлган, деб хабар беради Motor.
Кадрлардан кўриш мумкинки, автомобилли платформа «мойка»га кириб келиб, сув ва кўпикли аралашмага қопланган. Бироқ чўткалар айланишни бошлашидан олдин салондан туриб тугма босилган ва Evoque’нинг орқа эшиги кутилмаганда очилиб кетган.
Очиқ юкхона орқали салонга сув кира бошлаган, аммо муаммо шу билан якунланмаган: айланаётган чўтка бамперга тушган, шундан сўнг тепага кўтарилган. Қайсидир онда у очилган эшик даражасига етиб тўхтаб қолган, аммо кейин кўтарилишни давом этиб, юкхона эшигини буклаб юборган.
Содир бўлган воқеа хизмат кўрсатиш сервисининг кузатув камерасига муҳрланган, бироқ шу билан бирга ходимларнинг ҳеч бири буни пайқамаган ва жараённи тўхтатмаган. Мазкур кўнгилсиз ҳодиса қаерда содир бўлгани номаълум, аммо Evoque’даги автомобиль рақамлари Европага тегишли.
Аввалроқ ноёб Ferrari ҳайдовчиси бошқарувни йўқотгани сабаб суперкар темир уюмига айлангани тўғрисида хабар берилганди.
Изоҳ (0)