Бугун,

  • USD 11095.31
  • RUB 173.84
  • EUR 10772.44

Афғонистон президенти Ашраф Ғани истеъфо беришга рози бўлди ва мамлакатни тарк этди. Бу ҳақда Тожикистоннинг Asia-Plus агентлиги Ғани маъмурияти амалдорларидан бири Сажад Нуристонийга таяниб хабар бермоқда.

Унинг сўзларига кўра, Ашраф Ғанига унинг миллий хавфсизлик бўйича маслаҳатчиси Ҳамдулла Муҳиб ва маъмурият раҳбари Фазл Маҳмуд Фазлий ҳамроҳлик қилмоқда. Нуристоний қайд этишича, Ғани дастлаб Тожикистонга боради, сўнг учинчи мамлакатга учиб кетиши керак, аммо қайси мамлакат экани ҳозирча номаълум.

Мамлакатда ўтиш даври ҳукумати раҳбари мажбуриятларини Афғонистон собиқ ички ишлар вазири Аҳмад Жалолий ўз зиммасига олади.

Аввалроқ «Толибон» истеъфо бериши кутилаётган президент Ашраф Ғанидан ҳокимиятни қабул қилиб олмаслигини маълум қилган эди.

Шунингдек, Россиянинг Кобулдаги элчихонаси вакили Никита Ишченко Ашраф Ғани президент саройидан қочиб кетганини маълум қилган.

Афғонистон ҳукумати ҳозирча президентнинг мамлакатни тарк этгани ҳақидаги маълумотни изоҳлаганича йўқ.

Афғонистон собиқ президенти Ҳамид Карзай аҳолига «Толибон» ҳаракати ҳужумларига қарамасдан, мамлакат ҳудудини тарк этмасликка ваъда берди. Бундан ташқари, у фуқароларни уйда қолишга чақирди. Айни пайтда вазиятни тинч йўл билан ҳал қилишга ҳаракат қилинмоқда, деди у.

Афғонистон ҳукумати делегацияси эса мамлакатнинг Миллий ярашув бўйича олий кенгаши раҳбари Абдулла Абдулла билан биргаликда «Толибон» ҳаракатининг сиёсий идораси билан келишувга эришиш учун Қатарга жўнаб кетади.

Абдулла Абдулла «Толибон» вакиллари ва Кобулдаги ҳукумат ўртасида воситачи бўлиб қатнашади.

Али Аҳмад Жалолий ким?

У 80 ёшда, Кобулда туғилган. «Америка овози» радиостанцияси собиқ журналисти. 1982 йилдан 2003 йилгача Афғонистон, Эрон ва Марказий Осиёдаги пушту, дари ва форс тилларидаги радиоэшиттиришларга раҳбарлик қилган. Афғонистоннинг Германиядаги элчиси бўлиб ишлаган. 2003 йилдан 2005 йил сентябргача Афғонистон Ички ишлар вазирлигига раҳбарлик қилган.

2005 йил октябридан бошлаб Вашингтон Миллий мудофаа институти ҳузуридаги Яқин Шарқ ва Жанубий Осиё стратегик тадқиқотлар марказининг хизмат кўрсатган профессори ҳисобланади. Бир нечта китоблар, шу жумладан, уч жилдли Афғонистон ҳарбий тарихи муаллифи. 1987 йилда АҚШ фуқаролигини олган.

Аввалроқ «Толибон» ҳаракати Афғонистон ҳудудини тўлиқ ўз назорати остига олганини эълон қилди. Ҳаракат Афғонистонни тарк этмоқчи бўлган барча чет элликлар Кобул аэропорти орқали мамлакатдан тўсиқсиз чиқиб кетишига ваъда бермоқда. Қолиш истагида бўлганлар эса ҳаракат вакилларига учрашиб, рўйхатдан ўтиши керак.

Шунингдек, «Толибон» Афғонистонни эгаллаб олгач, матбуот ва аёллар учун ўз шартларини эълон қилди. Афғонистонда «Толибон» ҳаракати ҳукмронлиги остида аёллар таълим олиши ва ишлаши, журналистлар эса ҳодисаларни танқид қилиши мумкин бўлади.

Изоҳ
Asosiy yangiliklar
Дунё
Туркияда депутатлар давлат бюджети муҳокамасида муштлашди (видео)
Маҳаллий
Намангандаги кўмир машмашаси: аҳоли учун кўмир сотиб олиш — оворагарчилик, раҳбарлар эса кўмирга талаб унинг сифати яхшилигидан демоқда (видео)
Маҳаллий
Тошкентда зўравонликка қарши кураш бўйича халқаро анжуман — суратларда