Бугун,

  • USD 11095.31
  • RUB 173.84
  • EUR 10772.44

Британия расмийлари Жеронимо лақабли саккиз ёшли алпакада йирик шохли қорамолларда учрайдиган сил касаллиги аниқлангани сабаб уни инъекция ёрдамида ўлдириш бўйича қарор қабул қилди. Ҳайвоннинг ҳимояси учун петиция имзоланмоқда ва кўчаларга машрга чиқиляпти, деб хабар беради Esquire.

Фото: Legion Media

Фото: Legion Media

Алпаканинг эгаси — Хелен Макдоналд бўлиб, у 15 йилдан буён Глостерширдаги фермасида ҳайвонларни урчитиш билан шуғулланиб келадиган ветеринар-ҳамшира. У Жеронимони Янги Зеландиядан Британияга 2017 йилда олиб келган, бироқ силга топширган иккита тести ҳам ижобий чиққани сабаб мамлакатга келганидан буён карантинда сақланмоқда.

Йирик шохли қорамол сили — бошқа ҳайвонларга ва ҳатто инсонларга юқиши мумкин бўлган хавфли касаллик. Инфекция сабаб Буюк Британияда ҳар йили минглаб йирик шохли қорамоллар йўқ қилинади.

Макдоналд Жеронимонинг тестларига шубҳа билдириб, ҳайвон таҳлиллардан олдин силга эмланган бўлса, ёлғон натижаларни чиқариши мумкинлигини таъкидлаяпти. Жеронимо ушбу инфекцияга қарши эмланган. Янги Зеландияда топширилган тестлар жавоби салбий чиққан.

Алпака эгаси силга янги, бироқ бошқа турдаги тест ўтказилишини талаб қилмоқда. Аммо ҳукумат ўтказилган тадқиқотлар юқори самарадор эканини ва у фақатгина 0,34 фоиз ҳолатда ёлғон натижа кўрсатиши мумкинлигини қайд этмоқда. Ўтган ҳафта Макдоналд Лондон юқори судида апелляцияни ютқазиб қўйди ва эндиликда унинг ҳайвони 30 кун ичида ўлдирилиши керак.

Жеронимонинг ҳимоясига ўн минглаб британияликлар чиққан, жумаладан, мамлакат бош вазирининг отаси Стенли Жонсон ҳам. Алпакани қутқариш бўйича петиция 100 мингдан ортиқ имзо тўплаган. Лондон аҳолиси, шунингдек, ҳайвонни ўлдириш талабини кечиктириш ва янги тест ўтказишни талаб қилмоқда.

Фото: Legion Media

Фото: Legion Media

Атроф-муҳит вазири Жорж Юстис Жеронимони ўлдириш борасидаги қарорни қийин, бироқ «зарурий» деб атаган. Бундан ташқари, у тадқиқотлар ишончлилигини маълум қилган ва буни қироллик бош санитар шифокори Кристин Миддлмисс тасдиқлаган. Шу сабабли расмийлар Жеронимони қайта тестдан ўтказишдан бош тортмоқда.

Аввалроқ юнглари олингани сабаб ингичка оёқларга эга учаётган бошга айланган алпакалар видеоси эълон қилинганди.

Изоҳ
Asosiy yangiliklar
Дунё
«Украинадаги урушни Россия бошламаган» — Путин (видео)
Маҳаллий
Ўзбекистонда давлат ташкилотлари машиналарига газ қуйиш вақтинча тақиқланди
Маҳаллий
Тошкентда Cobalt йўлдан ўтаётган она-болани уриб юборди (видео)