Бугун,

  • USD 11095.31
  • RUB 173.84
  • EUR 10772.44

2021 йилда ажойиб овоз соҳибаси ва фожиали тақдир эгаси Уитни Хьюстон 58 ёшни қаршилаган бўларди.

Фото: «Домашний очаг»

Фото: «Домашний очаг»

Уитни Хьюстоннинг онаси Сесилия машҳур қўшиқчи бўлган — у ёшлигиданоқ Элвис Пресли билан бирга саҳнага чиққан ва шу сабабдан ҳам шоу-бизнеснинг барча хавфларини яхши тушунган. Сесилия қизининг улкан истеъдодини дарҳол пайқаган, лекин анча вақтгача қизи ҳали тайёр бўлмаган муаммолардан Уитнини ҳимоя қилган. Уитни онаси ва синглиси билан баптист черковининг хорида қўшиқ куйлар, онаси бундай истеъдод харидорларининг қанчасини рад этганини билмас эди. Сесилия Уитни 18 ёшга тўлганида қизини шоу-бизнес оламига олиб кирди: клубларда куйлаган бир неча қўшиқларидан сўнг, кичик Хьюстон кейинчалик қўшиқчининг узоқ йиллик продюсери бўлган Клив Дэвис билан шартнома имзолади.

Яхши қиз

Фото: «Домашний очаг»

Фото: «Домашний очаг»

Уитни студия учун олтин манбаига айланди. Биринчи альбом — Whitney Houston бир йилидан сўнг Billboard 200 чартида биринчи ўринни эгаллади ва янги овоз соҳибаси «Гремми» мукофотига сазовор бўлди. Иккинчи пластинка платина статусига эга бўлди. Уитни Хьюстон «сўнгги йиллардаги энг ёқимли овозлардан бири» деб эътироф этилди. У нафақат истеъдодли, балки масъулиятли ҳам эди: у ҳар доим интервью ва машғулотларга ўз вақтида келар, спиртли ичимликлар бўлган кечаларда қатнашмас ва умуман ўйин-кулгидан кўра карьерасини ўйларди.

Бундай «тўғрилиги» учун Хьюстонни ёқтиришмади. 1989 йилда Soul Тrain Music Awards мукофотини топшириш маросимида Уитни норозилик кайфиятидаги ҳуштак садолари остида саҳнага кўтарилди: ҳеч ким мусиқага аҳамият бермади, қўшиқчи аллақачон томошабинларни зериктирган эди. У бундан қаттиқ хафа бўлди .

Фото: «Домашний очаг»

Фото: «Домашний очаг»

Айнан ўша қайғули кечада Уитни Nеw Edition гуруҳи солисти Бобби Браун билан танишди. Геттодан чиққан қора танли 20 ёшли бу йигит отишмаларда иштирок этишга, юлдуз ва ноқонуний боланинг отаси бўлишга улгурганди. Уитни билан тўйдан олдин учрашган уч йили мобайнида Боббининг никоҳсиз болалари учтага кўпайган, лекин у бунга аҳамият бермасди.

Уитни ва Браунни иккаласи ҳам қашшоқ болаликни бошдан кечиришгани тезда тил топишишларига сабаб бўлди. Ва улар биргаликда омма олдига чиқа бошлашлари билан (Уитни Боббини деб Эдди Мерфини ташлаб кетганди) «яхши қиз» қиёфаси ўтмишда қолди.

Фото: «Домашний очаг»

Фото: «Домашний очаг»

1992 йил Уитни Хьюстон учун Бобби Браун билан никоҳи ва Голливуддаги дебют роли билан эсда қоларли йил бўлди. «Тансоқчи» фильмидаги роли учун у энг ёмон актриса сифатида «Олтин малина» мукофотини олди, лекин барибир том маънода у ғолиб эди.  I Will Always Love You қўшиғи Уитни Хьюстонга учта «Гремми» мукофоти ва бутун дунё мухлисларининг муҳаббатини олиб келди. Кўп йиллар давомида бу композиция ҳақиқий «севги мадҳияси»га айланди. Қўшиқнинг бунчалик юракдан ижро этилишининг сабаби бор: фильмни суратга олиш пайтида Уитни Хьюстон ҳомиласидан айрилганди.

Фото: «Домашний очаг»

Фото: «Домашний очаг»

Қўшиқчининг ёлғиз қизи — Бобби Кристина бир йил ўтиб, 1993 йилда туғилди. Она бўлгач, Уитни қолган яхши хулқ-атворига ҳам чек қўйди ва ҳамма нарсадан воз кечди. «Мени ҳаёти доим шундай бўлган малика деб ўйлайсизми? Мен геттода ўсганман. Ҳа, мен гиёҳванд моддалар қабул қиламан. Аммо бу ижод қилишимга ва яшашимга халал бермайди», — деб тан олган Хьюстон Rolling Stone нашрига берган интервьюсида. 2000 йилда Гавайи аэропортида Уитни ва Бобби Браун юкларидан марихуана топилди. Берилиши керак бўлган жазо ёшларнинг гиёҳвандликка қарши дастури фойдасига катта миқдордаги маблағга алмаштирилди, лекин бу қўшиқчига дарс бўлмади.

Фото: «Домашний очаг»

Фото: «Домашний очаг»

Уитни «Оскар» тақдирлаш маросимидаги чиқишини барбод қилди, Майкл Жексон мусиқий карьерасининг 30 йиллигида ёмон таассурот қолдирди ва онасининг талабига биноан реабилитацияга ётқизилди. 2006 йил сентябрь ойида Уитни Хьюстон ажрашиш учун ариза берди. Бобби Браун билан биргаликдаги турмуши унинг асосий нарсаси — ажойиб овозига таъсир қилганди. Кўп йиллар давомида чекиш ва спиртли ичимликлар истеъмол қилиш натижасида Уитни ва унинг эри энди одатдагидек қўшиқ куйлай олмасдилар: ажрашишнинг асосий сабаби ҳам шу эди.

Янги ҳаёт

Уитни барибир аввалгидек яхши қиз бўла олмади. Ҳатто унинг янги альбомидан келган муваффақият ҳам эски Хьюстонни қайтара олмади. Унинг мухлислари ҳали ҳам концерт залларини тўлдирар, I Will Always Love You қўшиғи олқишлар билан қарши олинар, мукофотларга сазовор бўларди, аммо оддий ҳаётда қўшиқчини тез-тез қўлида сигарет ва мартини билан кўриш мумкин эди.

Фото: «Домашний очаг»

Фото: «Домашний очаг»

Ва бу ўз таъсирини кўрсатмай қолмади. 2010 йилда Уитни Хьюстон дунё бўйлаб гастрол сафарига чиқди, лекин соғлиғи ёмонлашгани сабабли уни тўхтатишга тўғри келди.

Фото: «Домашний очаг»

Фото: «Домашний очаг»

Фото: «Домашний очаг»

Фото: «Домашний очаг»

Ўлимидан бироз олдин у навбатдаги реабилитация курсидан ўтди. 2012 йил февраль ойида эса у 54-«Гремми» мукофотини тақдирлаш маросимида қатнашиши керак эди. Маросимга бир ҳафта қолганида —11 февраль куни у меҳмонхонадаги номерининг ювиш хонасида юзтубан ётган ҳолда топилди. Кейинчалик мутахассисларнинг аниқлашича, унинг ёнида оқ кукун — кокаинли қошиқ бўлган. Ўлимидан сал олдин Уитни ўз стилистига шундай деганди: «Мен шунчаки севишни ва севилишни хоҳлайман. Мен ҳеч нарса қарамай, ҳеч қандай шартларсиз Исо каби севишни хоҳлайман».

Фото: «Домашний очаг»

Фото: «Домашний очаг»

Фото: «Домашний очаг»

Фото: «Домашний очаг»

Уитнининг ўлимидан уч йил ўтгач, унинг ёлғизгина қизи Бобби Кристина ҳам вафот этди. Ўн саккиз ёшли қиз мия жароҳати туфайли олти ой комада ҳаёт учун курашди, аммо афсуски.... Мазкур фожиада Уитни томонидан ўн икки ёшида асраб олинган Ник Гордон гумон қилинди. Чунки Уитни Никни ўз фарзандидек кўрган бўлса-да, хонанданинг вафотидан кейин ёшлар ўзларини ака-сингил деб ҳисоблашмас эди...

Изоҳ
Asosiy yangiliklar
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда талабалар учун қишки таътил муддати белгиланди
Маҳаллий
Ўзбекистонда сўнгги суткада 153 кишида коронавирус аниқланди