Бугун,

  • USD 11095.31
  • RUB 173.84
  • EUR 10772.44

Ўзбекистон Президентининг матбуот котиби Шерзод Асадов «Qalampir.uz» журналисти билан боғлиқ воқеа юзасидан баёнот бериб, ушбу ҳаракат Президентнинг шахсан ўзи кафолатлаётган сўз эркинлигига таҳдид сифатида қабул қилинишини маълум қилди, деб хабар беради «Kun.uz».

Фото: «Дарё» / Мадина Нурман

Фото: «Дарё» / Мадина Нурман
Яқинда юртимиз жамоатчилиги, айниқса, журналистлар ҳамжамияти орасида катта резонанс келтириб чиқарган бир воқеа ҳақида бир неча сўз айтмоқчиман. Гап, барчангизга маълум бўлганидек, «Qalampir.uz» журналистига қарши уюштирилган тазйиқ ҳақида кетмоқда.

Инсон шаънига, қадр-қимматига путур етказиш, уни обрўсизлантириш, туҳматдан иборат «фейк»ларни тарқатишда ифодаланган ушбу жирканч ҳолатни ҳеч нарса билан оқлаб бўлмайди. Айниқса, бундай хатти-ҳаракатлар Президентимиз «Қўрқманглар, ортингизда мен турибман!» деб айтган сўзларидан кейин журналистларга нисбатан содир этилаётган бундай воқеалар жиддий ташвишга солади.

Мен яна бир бор ишонтириб айтаманки, журналистлар ва уларнинг профессионал фаолияти қонун ҳимоясида, Президент матбуот котиби сифатида менинг ва Ахборот ва оммавий коммуникациялар агентлигининг доимий эътиборида. Журналистга тазйиқ кўрсатиш ҳолатларини, айниқса, бундай хунук уринишларни ҳурматли Президентимиз шахсан ўзлари кафолатлаётган сўз эркинлигига таҳдид сифатида қабул қиламиз.

Шу муносабат билан ҳуқуқ-тартибот органларини тез фурсатда ушбу ҳолатни синчковлик билан ўрганишга, айбдорларга қонуний чора кўришга чақираман.

Шерзод Асадов, Президент матбуот котиби

Эслатиб ўтамиз, 7 август куни ижтимоий тармоқларда журналист Феруза Нажмиддиновани обрўсизлантиришга қаратилган видео тарқалди. Ушбу ҳолат юзасидан Олий Мажлис Сенати, Ахборот ва оммавий коммуникациялар агентлиги, Ўзбекистон журналистлари ижодий уюшмаси, Миллий масс-медиани қўллаб-қувватлаш ва ривожлантириш жамоат фонди, «Юксалиш» умуммиллий ҳаракати расмий баёнот берди, қатор журналистлар муносабат билдирди.

Изоҳ
Asosiy yangiliklar
Маҳаллий
Хоразмда икки киши ис газидан вафот этди
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди