Bugun,

  • USD 10920.28
  • RUB 177.49
  • EUR 11052.42

So‘nggi vaqtlarda Lionel Messining kayfiyati yomonligi va “Barselona”ning inqirozlar girdobiga tushib qolgani haqida ko‘p gapirilmoqda. Tabiiyki, bu argentinalik daho muxlislarining joniga tegishga ulgurdi. Shunday ekan, biz quyida ularni biroz chalg‘itishga harakat qilgan holda Messining hashamatli hayoti haqida hikoya qilib beramiz.

Messi qayerda yashaydi?

Foto: Google Photos

Uyning taxminiy qiymati (ta’mirlash ishlari bilan) – 6 million yevroni tashkil qiladi. Messi Barselona yaqinida joylashgan Kasteldefels shaharchasida yashaydi. Ma’lumotlarga ko‘ra Messi ushbu uyni sotib olgan vaqtida juda shovqinli qo‘shnilariga duch kelgan. Natijada u tinch yashash uchun ularning uylarini ham sotib olishga majbur bo‘lgan.

Foto: Google Photos

Messini hashamatli uyini o‘ziga yoqqan ranglar bilan bezatgan. Leo och va yorqin ranglarni afzal ko‘radi. Uyda sport zali, cho‘milish havzasi, futbol maydoni va ajoyib bog‘ bor.

Mashinalar, yaxta va shaxsiy samolyotlar

Zamonamizning eng yaxshi futbolchilaridan birining avtoparkiga ham havas qilsa arziydi. Bugungi kunga kelib, uning garajidan 15 ga yaqin avtomobil o‘rin olgan. Ular orasida Ferrari F430 Spider, Range Rover Vogue, Audi Q7, Cadillac Escalade, Audi R8 GT kabi jahonga mashhur mashinalarni uchratish mumkin. Avtoparkning taxminiy qiymati 38 million dollarga baholangan.

Foto: Ferrari

“Barselona” hujumchisi 2016-yilda dunyodagi eng qimmat Ferrari egasiga aylangandi. Messi ushbu mashina uchun naq 34,5 million dollar to‘lagan.

Messining “toychoqlari” haqida to‘liq ma’lumotni bu yerdan olishingiz mumkin:

G‘ildiraklardagi hashamat yoxud Lionel Messi qanday mashinalarda yuradi?

Foto: Google Images

Shuningdek, Leoning ixtiyorida 10 million funtlik yaxta va ikkita shaxsiy samolyot (Embraer Legacy 650 – 28,3 million yevro, Gulfstream V – 13 million yevro) bor. Soatiga 25 km/tezlikda harakatlana oladigan yaxtada Messi Ibitsa orolida hordiq chiqarsa, barcha sharoitlarga ega bo‘lgan samolyotlarda vatani Argentinaga uchadi.

Foto: Google Images

Shaxsiy hayot

Foto: Abaca

2017-yilda Leo yoshligidan tanish bo‘lgan Antonella Rokusso ismli qizga uylangan. Juftlik hozirda 3 nafar o‘g‘il farzandni voyaga yetkazmoqda. Oilasini yaxshi ko‘radigan futbolchi ijtimoiy tarmoqlardagi sahifalariga tez-tez farzandlari va rafiqasi bilan tushgan rasmlarni joylab turadi.

Foto: Instagram

Do‘stlari kim?

Messini butun dunyo bo‘ylab millionlab insonlar yaxshi ko‘radi, biroq Leo faqatgina sanoqlilar bilangina munosabat qurishi mumkin. Uning yaqin do‘stlari orasida “Barselona” sobiq futbolchilari Luis Suares, Sesk Fabregas va Dani Alvesni uchratish mumkin.

Foto: Getty Images

Foto: Givemesport

Foto: Getty Images

Uning eng ishongan do‘sti esa “Manchester Siti” hujumchisi Serxio Aguero. Hujumchilar Argentinaning turli yosh toifasidagi terma jamoalarda birga harakat qilgan. Terma jamoa yig‘inlarida esa ular har doim birga vaqt o‘tkazadi.

Foto: SportsMole

Futboldan tashqari qiziqishlar

Futboldan bo‘sh vaqtlarini Messi oila va do‘stlar davrasida o‘tkazishni yaxshi ko‘radi. U millionlar o‘yinidan boshqa sport turini tan olmaydi.

Foto: Twitter

Bundan tashqari Messi bo‘sh vaqtlarida muntazam ravishda reklama roliklarida suratga tushadi. Mashhur brendlar bilan imzolangan shartnomalar va shaxsiy bizneslar haqida esa yaxshisi gapirmagan ma’qul. Boisi Forbes uning 2020-yildagi daromadini 126 million dollarga baholadi. Bu esa uni dunyoning eng ko‘p daromad topadigan futbolchiga aylantirdi. Taqqoslash uchun uning azaliy raqibi Krishtianu Ronalduda bu ko‘rsatkich 117 million dollarga teng.

Izoh
Asosiy yangiliklar
Mahalliy
O‘zbekistonda ilk bor dunyo parlamentlari ayol rahbarlarining sammiti o‘tkaziladi
Mahalliy
O‘zbekistonda 6 oyda qancha aviaparvoz amalga oshirilgani ma’lum qilindi
Dunyo
Rossiya elchixonasi AQSHni Ukrainadagi mojaroga aralashgani uchun harbiy to‘qnashuv xavfidan ogohlantirdi