Наманган вилояти Поп туманида Nexia йўл четидаги пастликка тушиб кетди, дея хабар қилмоқда вилоят ИИБ матбуот хизмати.
Қайд этилишича, 2021 йил 1 август куни соат 15:00 ларда Тошкент–Ўш йўлининг 245-километрида Поп тумани «Қўшминор» маҳалласи ҳудудида Андижон вилоятида яшовчи, 1978 йилда туғилган аёл бошқарувидаги Nexia’ни ишонч қоғози билан Тошкент–Водий йўналиши бўйлаб бошқариб бораётиб, ҳаракат хавфсизлигини таъминлай олмасдан, йўлнинг четидаги пастликка тушиб кетган.
Оқибатда ҳайдовчи бош мия очиқ шикасти ва автомашинада бўлган йўловчилар, 2010 йилда туғилган қизи бош мия чайқалиши ҳамда Андижон вилоятида яшовчи, 1973 йилда туғилган аёл бош мия ёпиқ шикасти ташхиси билан тан жароҳати олиб, шифохонага ётқизилган.
Шунингдек, автомашинада бўлган маҳалладоши 1962 йилда туғилган аёл воқеа жойида вафот этган.
Ушбу ҳолат бўйича Поп туман ИИБ ҳузуридаги ТБ томонидан 2021 йил 1 август куни Жиноят кодекснинг 266-моддаси 2-қисми (одам ўлимига сабаб бўлган транспорт ҳаракати хавфсизлиги қоидаларини бузиш) билан жиноят иши қўзғатилган.
Бундан аввал Сурхондарёда йўлнинг қарама-қарши тарафига чиқиб кетган «Жигули» уч автомобиль билан тўқнашиши оқибатида бир киши ҳалок бўлгани, Қашқадарёда катта тезликда йўл ёқасидаги дўконга бориб урилган Nexia ҳайдовчиси ҳалок бўлгани ҳамда Сурхондарёда 3 машина иштирокидаги ЙТҲ оқибатида бир киши вафот этгани ҳақида хабар берилганди.
Изоҳ (0)