Бугун,

  • USD 11095.31
  • RUB 173.84
  • EUR 10772.44

Хоразм ва Сурхондарё вилоятларида электр станциялар қурилади. Norma’нинг маълум қилишича, бу Президентнинг 24 июлдаги икки қарорида белгиланди.

Фото: «Дарё» / Мадина Нурман

Фото: «Дарё» / Мадина Нурман

Биринчи ҳужжатга асосан Нидерландиянинг Stone City Energy компанияси 1,2 миллиард долларга тенг бўлган Сурхондарё вилоятида қуввати 1 500-1 600 МВт бўлган буғ-газ электр станциясини 25 йил давомида қуриш инвестиция лойиҳасини амалга оширади.

Лойиҳани амалга ошириш мақсадида «СCЕ Қувват» МЧЖ (лойиҳа компанияси) ташкил этилган. Қурилиш давридаги ўз мажбуриятлари лозим даражада бажарилишининг таъминоти сифатида у 30 миллион доллар миқдорида банк кафолатини тақдим этади.

Иккинчи ҳужжатга асосан Туркиянинг Hidro Enerji Elektrik Uretim Sanayi A.Ş. компанияси Хоразм вилоятида 25 йил давомида қуввати 174 МВт бўлган газ-поршенли электр станциясини қуриш инвестиция лойиҳасини амалга оширади. Лойиҳани амалга ошириш мақсадида Оdаş Enerji SА МЧЖ (лойиҳа компанияси) ташкил этилган. Қурилиш давридаги ўз мажбуриятлари лозим даражада бажарилишининг таъминоти сифатида у 1,3 миллион доллар миқдорида банк кафолатини тақдим этади.

Ҳужжатлар билан «Ўзбекистон миллий электр тармоқлари» АЖ ва лойиҳа компаниялари ўртасида инвестиция лойиҳалари доирасида Электр энергиясини сотиб олиш тўғрисидаги битим ҳам маъқулланган, уларга мувофиқ:

лойиҳа компаниялари ишлаб чиқарилган электр энергиясини кафолатланган тарзда «Ўзбекистон миллий электр тармоқлари» АЖ тимсолида ягона харидорга сотиш мажбуриятини олган;

«Ўзбекистон миллий электр тармоқлари» АЖ 25 йил давомида электр энергиясини кафолатланган тарзда харид қилиш мажбуриятини олади ва электр энергияси учун тўловни миллий валютада амалга оширади;

«Ўзбекистон миллий электр тармоқлари» АЖ электр энергиясини 3 ой мобайнида сотиб олишни қоплаш учун мажбуриятлар бажарилишининг таъминоти сифатида лойиҳа компаниялари фойдасига чет эл валютасида имтиёзли, қопланмайдиган шартсиз банк кафолати тақдим этади.

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Маҳаллий
Ўзбекистонда помидор нархи барқарорлашди