Президент Шавкат Мирзиёев 29 июль куни Тошкент вилояти Олмалиқ шаҳрига ташриф буюради. Бу ҳақда давлат раҳбарининг матбуот котиби хабар берди.
Маълум қилинишича, Ўзбекистон Президенти кон-металлургия комбинати конлари негизида рангли ва қимматбаҳо металлар ишлаб чиқаришни кенгайтириш борасидаги ишлар билан танишади.
Комбинатда мамлакат кон саноатидаги яна бир йирик лойиҳа — «Ёшлик I» конини ўзлаштириш лойиҳаси амалга оширилмоқда. Таъкидланишича, давлат раҳбари ушбу лойиҳа доирасидаги янги қувват — 3-мис бойитиш фабрикаси қурилишига тамал тоши қўяди.
Эслатиб ўтамиз, Президент Шавкат Мирзиёев 2017 йилнинг 11 август куни Олмалиқ шаҳрига ташриф буюрганди. Ўшанда «Олмалиқ кон-металлургия комбинати ривожланишининг иккинчи босқичи» лойиҳаси бўйича ишларни бошлашга бағишланган тантанали маросим бўлиб ўтган.
Изоҳ (0)