Хитойнинг Imoo компанияси тез-тез ёш болалар учун мўлжалланган электрон қурилмаларни ишлаб чиқаради. 2020 йилнинг ноябрида Watch Phone Z6 модели тақдим этилган бўлса, эндиликда бренд Watch Phone Z1’ни сотувга чиқарди, деб хабар беради IXBT.
Фото: IXBT
Янги соатлар бутун дунё бўйлаб 13 диапазонда 4G алоқа тармоғига уланишни таъминлайди. Watch Phone Z1 соатининг корпуси ва тасмаси аллергия бермайдиган материалдан ишланган. Мазкур қурилмага TUV CUD ташкилотининг экспертлари томонидан хавфсизлик сертификати берилган.
Watch Phone Z1’нинг ўзига хослиги унинг видеоқўнғироқлар учун мўлжалланган фронтал камерасида. Шунингдек, у суратга олишни амалга ошириши мумкин, соатларга 2 мегапикселли тасвир датчиги ва ф/2,4 диафрагмали объектив ўрнатилган. 1,3 дюймли TFT кристал экрандаги пикселлар сони 240х240.
Фото: IXBT
Қурилма IPX8 бўйича намликдан ҳимояланган, резинали корпуси эса зарбларга бардошли. Аккумулятор сиғими 740 мА/соат бўлиб, бир марта қувватланиш орқали соатнинг уч кунгача ишлашини таъминлайди.
Imoo Watch Phone Z1 нархи 99 долларни ташкил этади.
Аввалроқ Xiaomi камера, 4G ва кенг сиғимли аккумуляторга эга «ақлли» соатини 60 доллардан арзонроққа сотишни бошлгани тўғрисида хабар берилганди.
