Xitoyning Imoo kompaniyasi tez-tez yosh bolalar uchun mo‘ljallangan elektron qurilmalarni ishlab chiqaradi. 2020-yilning noyabrida Watch Phone Z6 modeli taqdim etilgan bo‘lsa, endilikda brend Watch Phone Z1’ni sotuvga chiqardi, deb xabar beradi IXBT.
Yangi soatlar butun dunyo bo‘ylab 13 diapazonda 4G aloqa tarmog‘iga ulanishni ta’minlaydi. Watch Phone Z1 soatining korpusi va tasmasi allergiya bermaydigan materialdan ishlangan. Mazkur qurilmaga TUV SUD tashkilotining ekspertlari tomonidan xavfsizlik sertifikati berilgan.
Watch Phone Z1’ning o‘ziga xosligi uning videoqo‘ng‘iroqlar uchun mo‘ljallangan frontal kamerasida. Shuningdek, u suratga olishni amalga oshirishi mumkin, soatlarga 2 megapikselli tasvir datchigi va f/2,4 diafragmali obyektiv o‘rnatilgan. 1,3 dyuymli TFT kristal ekrandagi piksellar soni 240x240.
Qurilma IPX8 bo‘yicha namlikdan himoyalangan, rezinali korpusi esa zarblarga bardoshli. Akkumulyator sig‘imi 740 mA/soat bo‘lib, bir marta quvvatlanish orqali soatning uch kungacha ishlashini ta’minlaydi.
Imoo Watch Phone Z1 narxi 99 dollarni tashkil etadi.
Avvalroq Xiaomi kamera, 4G va keng sig‘imli akkumulyatorga ega “aqlli” soatini 60 dollardan arzonroqqa sotishni boshlgani to‘g‘risida xabar berilgandi.
Izoh (0)