Ўзбекистонда 24 июль куни 731 кишида коронавирус инфекцияси аниқланди — бу кунлик касалланиш кўрсаткичлари бўйича 2021 йилда қайд этилган энг юқори учинчи кўрсаткичдир (энг юқори кўрсаткич — 773 та касалланиш ҳолати — 23 июль куни қайд этилган, энг юқори иккинчи ҳолат эса 22 июлда рўйхатга олинган эди). Соғлиқни сақлаш вазирлигидан маълум қилишларича, ўтган бир сутка давомида 494 кишида пневмония аниқланган — бу ҳам пневмония ҳолатлари эълон қилина бошланган 5 июлдан бери қайд этилган энг юқори учинчи ҳолатдир.
Коронавирус инфекциясини юқтириб олиш билан боғлиқ ҳолатларнинг
- 63 таси Қорақалпоғистон Республикасида,
- 20 таси Андижон вилоятида,
- 15 таси Бухоро вилоятида,
- 91 таси Жиззах вилоятида,
- 16 таси Қашқадарё вилоятида,
- 13 таси Навоий вилоятида,
- 31 таси Наманган вилоятида,
- 73 таси Самарқанд вилоятида,
- 23 таси Сирдарё вилоятида,
- 79 таси Сурхондарё вилоятида,
- 72 таси Фарғона вилоятида,
- 28 таси Хоразм вилоятида,
- 88 таси Тошкент вилоятида,
- 119 таси Тошкент шаҳрида
коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Соғлиқни сақлаш вазирлигидан қўшимча қилишларича, 24 июль давомида Қорақалпоғистонда 105 нафар, Бухоро вилоятида 19 нафар, Жиззах вилоятида 90 нафар, Қашқадарё вилоятида 16 нафар, Навоий вилоятида 15 нафар, Наманган вилоятида 32 нафар, Сирдарё вилоятида 32 нафар, Сурхондарё вилоятида 95 нафар, Фарғона вилоятида 55 нафар, Хоразм вилоятида 40 нафар, Тошкент вилоятида 65 нафар, Тошкент шаҳрида 112 нафар — жами 676 бемор коронавирусдан тузалган. Шу вақтгача коронавирусга чалингани тасдиқланган 124 290 беморнинг 95 фоизи ёки 118 638 нафари соғайган.
«Шунингдек, 6 нафар коронавирусга чалинган бемор вафот этиб, касалликдан вафот этганлар сони 832 нафарни ташкил қилди», — дейилади ССВнинг 24 июль якунлари берилган ахборотида.
Иллюстрация: Соғлиқни сақлаш вазирлиги матбуот хизмати
Эслатиб ўтамиз, 18—23 июль кунлари Ўзбекистонда коронавирус инфекциясини юқтириб олиш ҳолатлари сони бўйича 2021 йил ҳисобидан ҳар куни кетма-кет антирекордлар қайд этилган эди. Хусусан, 18 июль куни 585 кишида, 19 июль куни 658 кишида, 20 июль куни 698 кишида, 21 июль куни 719 кишида, 22 июль куни 738 кишида ва 23 июль куни 773 кишида касалликка чалиниш ҳолати аниқланган эди.
