O‘zbekistonda 24-iyul kuni 731 kishida koronavirus infeksiyasi aniqlandi — bu kunlik kasallanish ko‘rsatkichlari bo‘yicha 2021-yilda qayd etilgan eng yuqori uchinchi ko‘rsatkichdir (eng yuqori ko‘rsatkich — 773 ta kasallanish holati — 23-iyul kuni qayd etilgan, eng yuqori ikkinchi holat esa 22-iyulda ro‘yxatga olingan edi). Sog‘liqni saqlash vazirligidan ma’lum qilishlaricha, o‘tgan bir sutka davomida 494 kishida pnevmoniya aniqlangan — bu ham pnevmoniya holatlari e’lon qilina boshlangan 5-iyuldan beri qayd etilgan eng yuqori uchinchi holatdir.
Koronavirus infeksiyasini yuqtirib olish bilan bog‘liq holatlarning
- 63 tasi Qoraqalpog‘iston Respublikasida,
- 20 tasi Andijon viloyatida,
- 15 tasi Buxoro viloyatida,
- 91 tasi Jizzax viloyatida,
- 16 tasi Qashqadaryo viloyatida,
- 13 tasi Navoiy viloyatida,
- 31 tasi Namangan viloyatida,
- 73 tasi Samarqand viloyatida,
- 23 tasi Sirdaryo viloyatida,
- 79 tasi Surxondaryo viloyatida,
- 72 tasi Farg‘ona viloyatida,
- 28 tasi Xorazm viloyatida,
- 88 tasi Toshkent viloyatida,
- 119 tasi Toshkent shahrida
Sog‘liqni saqlash vazirligidan qo‘shimcha qilishlaricha, 24-iyul davomida Qoraqalpog‘istonda 105 nafar, Buxoro viloyatida 19 nafar, Jizzax viloyatida 90 nafar, Qashqadaryo viloyatida 16 nafar, Navoiy viloyatida 15 nafar, Namangan viloyatida 32 nafar, Sirdaryo viloyatida 32 nafar, Surxondaryo viloyatida 95 nafar, Farg‘ona viloyatida 55 nafar, Xorazm viloyatida 40 nafar, Toshkent viloyatida 65 nafar, Toshkent shahrida 112 nafar — jami 676 bemor koronavirusdan tuzalgan. Shu vaqtgacha koronavirusga chalingani tasdiqlangan 124 290 bemorning 95 foizi yoki 118 638 nafari sog‘aygan.
“Shuningdek, 6 nafar koronavirusga chalingan bemor vafot etib, kasallikdan vafot etganlar soni 832 nafarni tashkil qildi”, — deyiladi SSVning 24-iyul yakunlari berilgan axborotida.
Eslatib o‘tamiz, 18—23-iyul kunlari O‘zbekistonda koronavirus infeksiyasini yuqtirib olish holatlari soni bo‘yicha 2021-yil hisobidan har kuni ketma-ket antirekordlar qayd etilgan edi. Xususan, 18-iyul kuni 585 kishida, 19-iyul kuni 658 kishida, 20-iyul kuni 698 kishida, 21-iyul kuni 719 kishida, 22-iyul kuni 738 kishida va 23-iyul kuni 773 kishida kasallikka chalinish holati aniqlangan edi.
Izoh (0)