Bollivudning yoshi nechada ekanini taxmin qilish mushkul bo‘lgan latofatli aktrisalari (foto)

Hind kinosanoatining nafaqat ijro mahorati, balki go‘zalligi bilan ham muxlislarni ekran qarshisiga mixlaydigan aktrisalarning necha yoshda ekani haqida ma’lumot berib o‘tamiz.

Padma Lakshmi

Bundan bir necha yillar avval model sifatida faoliyatini boshlagan Padma bugungi kunda Amerikadagi mashhur teleboshlovchilardan biri sanaladi. Qaddi-qomati va bo‘yiga havas qilsa arziydigan, yorqin ko‘rinishga ega Lakshmi Parij, Milan va Nyu-Yorkda karyera qilgan ilk hind modeli sanaladi. Rejissorlar e’tiborini o‘ziga jalb qilgan go‘zal husn egasi keyinchalik Bollivudning eng mashhur aktrisalaridan biriga aylangan.

Pazandachilik shousiga boshlovchilik qiladigan Padmaning muxlislari uning yosh va go‘zal ko‘rinishi siri bilan qiziqadi. Darhaqiqat, aktrisaning tashqi ko‘rinishiga nazar tashlab, uning yoshi ellikda ekaniga ishonish qiyin.

Priyanka Chopra

Ko‘pchilik Priyanka Chopra va Nik Jonasni tengdosh deb o‘ylaydi. Aslida esa aktrisa turmush o‘rtog‘idan 10 yoshga katta. U 2021-yilning 18-iyulida 39 yoshni qarshiladi.

17 yoshidagi suratlarida hozirgidan katta ko‘ringan Priyankani bugungi kunda hech kim sal kam 40 yosh demaydi.

Ayshvariya Ray

Moviy ko‘zli aktrisa ilk filmlaridagi ijrosining o‘zidayoq nafaqat Bollivud, balki dunyoning boshqa burchaklaridagi tomoshabinlarni ham o‘z husniga mubtalo qilgan.

Dunyoning eng go‘zal aktrisalaridan biri maqomiga arziydigan aktrisa 47 yosh. Abxishek Bachchan bilan turmush qurgan Ayshvariyaning husn borasida o‘zidan qolishmaydigan Aradiya ismli qizi bor. Aktrisa onalik baxtini his qilganida 37 yoshda bo‘lgan.

Rani Mukerji

Rani Mukerji Bollivudning “Eng yaxshi aktrisalari” ro‘yxatida uch marta yetakchilik qilgan. “Hayotda hamma narsa bo‘ladi”, “Zulmat” va boshqa bir qancha esda qolarli filmlarda suratga tushgan aktrisa eng mashhur ijodkorlardan biri hisoblanadi.

Ranining ko‘rinishiga nazar tashlab, uning 43 yosh ekaniga ishonish qiyin.

Karina Kapur

People jurnali 2010-yilda Bollivuddagi eng mashhur sulolalardan biri hisoblangan Kapurlar oilasining vakili — Karinani Hindistonning eng go‘zal ayoli deb atagan. Saif Ali Xonga turmushga chiqqan Kapur xonim sanoatning eng ko‘p haq to‘lanadigan aktrisalaridan biri sanaladi. 2021-yilning sentabrida 41 yoshni qarshilashiga qaramay hali hamon go‘zal va latofatli.

Uning yosh va chiroyli ko‘rinishining siri to‘g‘ri ovqatlanish, sohil bo‘ylab uzoq sayr qilishi va arzimagan narsalardan ham zavqlana olishi bilan bog‘liq.

Hema Malini

“Zita va Gita” yulduzining arsenalida 158 ta film bor. 2021-yilning oktabrida 73 yoshni qarshilaydigan aktrisa hali ham go‘zal va betakror ko‘rinadi.

Hayotini aktyor Dharmendra bilan bog‘lagan va Eshu ismli qizi bor bo‘lgan Hemani bugungi kunda ham qizil yo‘laklarda uchratish mumkin.