Тошкентда сўнгги олти ой ичида аёллар билан боғлиқ жами 43 та йўл-транспорт ҳодисаси содир этилган. Бу ҳақда «Севимли» телеканалининг «Замон» информацион дастурида маълум қилинди.
Фото: «Дарё» / Мадина Нурман
Маълум қилинишича, содир этилган ЙТҲлар оқибатида 5 нафар аёл вафот этган, 66 нафар аёл тан жароҳати олган.
Шунингдек, 2021 йилнинг январь—июнь ойлари давомида ЙПХ ходимлари томонидан 1500 дан ортиқ ҳайдовчига нисбатан транспорт воситасини маст ҳолатда бошқарганлик бўйича маъмурий баённомалар расмийлаштирилган.
Таъкидланишича, тунги рейдлар давомида транспорт воситаси маст ҳолатда бошқараётган аёллар ҳам учрамоқда.
Эслатиб ўтамиз, 2021 йилнинг дастлабки беш ойи давомида Ўзбекистонда 2960 та йўл-транспорт ҳодисаси қайд этилган бўлиб, улар оқибатида 770 киши ҳалок бўлган ва 2365 киши жароҳат олган.
Мавзуга доир:
Аввалроқ Ўзбекистондаги йўл ҳаракати соҳасидаги муаммоларни ўрганиш ва уларни бартараф этиш бўйича ишчи гуруҳ тузилгани, Ўзбекистонда йилнинг дастлабки чорагида йўл-транспорт ҳодисаларида ҳалок бўлган болалар сони 64,5 фоизга ошгани ҳамда Фарғонада бир ҳафтада ЙТҲлар оқибатида 20 киши ҳалок бўлгани ҳақида хабар берилганди. 3 июнь куни эса Ўзбекистон мусулмонлари идораси катта тезликда машина ҳайдаш оқибатида вафот этган ҳайдовчи ўз жонига қасд қилган мақомида бўлиши ҳақида фатво берган.
