«Эвертон» футболчиси Хамес Родригес 12 июль куни 30 ёшни қарши олди. Колумбиялик ҳужумкор ярим ҳимоячи ҳақида сиз билмаган 8 та маълумотни тақдим этамиз.
Хамес Родригеснинг отаси фарзандининг исмини Жеймс Бонд шарафига қўйган. «Эвертон» футболчиси ва агент М16 нинг исми инглизчада бир хил ёзилади — Жамес. Колумбиялик футболчининг ўзи бу ҳикояни ёқтирмайди ва исмини испанча талаффуз билан айтишларини истайди. Шунинг учун унинг исми Жеймс эмас, Хамес.
Хамес болалигида дудуқланишдан азият чеккан. Логопед ҳузурида соатлаб машғулотларда қатнашишга мажбур бўларди. Ҳозир унинг журналистлар билан суҳбатига эътибор қаратилса, уялиб гаплашишига гувоҳ бўлиш мумкин. Бу ёшликдаги муаммонинг асорати.
Хамеснинг иккита кумири бўлган. Биринчиси — Криштиану Роналду. У билан «Реал»да бирга ўйнаш насиб этди. Иккинчисини кўпчилик танимайди. Субаса Озоро — «Капитан Субаса» номли япон мультфильми қаҳрамони. У кунчиқар юрт учун Жаҳон Кубогини қўлга киритишни орзу қиларди.
2009 йилда Родригес Аргентина чемпионатида бирданига 3 та рекордни қайд этди. Дастлаб, мусобақанинг энг ёш легионер футболчиси сифатида тарихга кирди, шундан сўнг лигада гол урган энг ёш легионерга айланди, мавсумни эса энг ёш легионер чемпион мақомида якунлади. Хамес «Банфилд» билан Аргентина чемпионлигига эришган.
Хамеснинг собиқ турмуш ўртоғи — колумбиялик дарвозабон Давид Оспинанинг синглиси Даниэла Оспина. Уларнинг Саломея исмли қизи бор. Хамес тез-тез қизидан хабар олиб туради.
Кўпчилик футболчилардан фарқли равишда Хамес олий маълумотли инженер ҳисобланади. Профессионал фаолияти билан бир пайтда Родригес Абиерта Миллий Университетини тамомлаган.
Хамес баскетбол мухлиси. Унинг севимли баскетболчисини тахмин қилиш осон — Леброн Жеймс. Родригеснинг «адаши».
Хамес Родригеснинг «Реал» футболчиси сифатида таништирув маросимига 40 мингдан ортиқ мухлис ташриф буюрган. Бразилиядаги мундиалдан сўнг футболчи машҳурликка эришганди.
Изоҳ (0)