Футбол бўйича Копа Америка—2021 мусобақасининг финал беллашуви 11 июль, якшанба куни ўтказилди.
Унда мезбон Бразилия Аргентинага қарши майдонга тушди. Ўйиндаги ягона гол 22-дақиқада Анхель ди Мария томонидан урилди. «ПСЖ» вакили тўпни бразилияликлар посбони Эдерсон устидан ошириб дарвозага жойлаб қўйди. Мазкур гол ўйин сўнгига қадар ўзгармади. Шу тариқа Аргентина миллий терма жамоаси Копа Америка—2021 мусобақаси ғолибига айланди.
Қайд этиш жоиз, 2005 йилда Аргентина термаси сафида дебют қилган Лионель Месси мамлакат бош жамоаси сафидаги илк катта совринига эга чиқди. У ҳозирга қадар терма жамоа билан 4 марта финалларда қатнашган ва уларнинг барида мағлуб бўлган эди.
Копа Америка—2021Финал баҳси11 июль, якшанба
Аргентина – Бразилия 1:0Гол: 1:0 – 22 Ди Мария.
Аргентина – Мартинес, Отаменди, Ромеро (Пеццелья, 79), Монтиел, Акуня, де Пауль, Паредес (Родригес, 54), Ло Чельсо (Тальяфико, 63), Ди Мария (Паласиос, 79), Месси, Мартинес (Гонсалес, 79).
Бразилия – Эдерсон, Лоди (Эмерсон, 76), Данило, Тиаго Сильва, Маркиньос, Фред (Фирмино, 46), Каземиро, Лукас Пакета (Габриэль Барбоза, 76), Эвертон (Винисиус Жуниор, 63), Неймар, Ришарлисон.
Огоҳлантиришлар: Фред (3), Паредес (33), Ло Чельсо (51), де Пауль (68), Лоди (70), Лукас Пакета (72), Отаменди (81), Маркиньос (82), Монтиел (89).
Изоҳ (0)