Сўнгги пайтда Ўзбекистоннинг кўчмас мулк бозори монолит қурилиш технологияси бўйича янги қурилган уйлар билан тўлмоқда. Унинг хусусиятлари ва афзалликлари нимадан иборат эканлигини ушбу материалда гапириб берамиз.
Одамзод ўзининг кўп асрлик тарихи давомида, қурилиш учун турли қурилиш материалларидан фойдаланган. Бироқ бугунги кунгача энг ишончли иншоотлардан бири бўлиб темир -бетондан қурилган яхлит иморатлар ҳисобланади. Монолит қурилиш технологияси тасодифан кашф этилди, XIX асрнинг 60 йилларида француз Жозеф Моне ўзининг дала ҳовлисини арматура билан бетон бортлардан фойдаланган ҳолда қурар экан. ХХ ва XXI асрнинг туташган нуқтасида эса ғиштли уйлар ўз ўрнини, ёмғирдан сўнг қўзиқоринлар каби ўсиб чиққан, панелли уйларга бўшатди. Ушбу панелли уйлар вақт талабига биноан, хонадонларнинг нархи осмон бўлмаган ҳолда, уйларни тез қуриш керак бўлган пайтда пайдо бўлди. Табиийки, вақт ўтиши билан “тез, сифатли, оммабоп” машҳур учлигида барча таркибий қисмлар муҳим эканлиги ҳамда сифатда муросаларга йўл қўйиш мумкин эмаслиги маълум бўлди. Шу сабабли, ғиштли ва панелли уйлар ўрнини монолит уйлар эгаллади.
Ўзбекистонда монолит уйлар оммавий равишда нисбатан яқинда қурилишни бошлади. Шу пайтдаёқ, меъморчилик шаклларини яратишда ниҳоятда камтарин бўлган панелли уйлар монолит уйларга биринчиликни бериши маълум эди. Бунда монолит қурилишнинг катта қисмини, меъморнинг хаёлини асло чекламайдиган ечимлар ташкил қилади. Уйларнинг ўзи ҳам юқори даражали иссиқлик, намлик ўтказмайдиган хусусиятларга эга бўлиб, ташқи таъсирларга бардошли ҳисобланади.
Айнан шу сабабдан, янги уйлар бозори сўнгги йилларда жадал суръатларда монолит уйлар билан тўлиб бормоқда. First Development Group девелоперлик компаниясидан Parkent Plaza 3 турар жой мажмуасининг мисолида бундай конструкциянинг хусусиятлари нимада эканлигини батафсил кўриб чиқамиз.
Монолит уй…
Бу уй қуришнинг махсус технологияси бўлиб, унда ташқи деворларнинг ҳаммаси, бино каркаси (синчи)нинг ўзи ва томлари ҳам бетондан қуйилади, шу тариқа уланган ва пайвандланган жойларсиз яхлит конструкция ҳосил бўлади.
Юнон тилидан таржима қилинганда монолит «яхлит тош, палахса» деган маънони англатади. Темир-бетондан қурилган уйлар, мустаҳкам бўлиб, узоқ вақт хизмат қилганлиги туфайли мазкур таърифни тўкис оқлайди. Бундай уйларнинг асосий масаллиғи – арматура ва бетон. Бир қарашда бари жуда одидий туюлсада, ушбу технология кўпгина нозик жиҳатларга эга.
Монолит уйларнинг бир нечта тури бор. Масалан, Parkent Plaza 3 турар жой мажмуаси монолит каркасли (синчли) технология асосида қурилиб, унда каркас (синч) асосига пойдеворда бутун бинонинг ўзига хос «скелет»ига айланадиган бетон устунлар ўрнатилади. Мазкур устунлар орасига бетон билан қуйиладиган деворлар терилади.
Мажмуанинг қурилишида фақатгина Россиядан келтирилган юқори сифатли арматура ва бутун дунёда опалубкаларни ишлаб чиқариш бўйича етакчи корхоналардан бири ҳисобланган, немис компанияси Peri Gmbh’нинг опалубкалари ишлатилган.
Афзалликлари нимада?
Ишончлилик ва сифат – монолит уйлар учун деярли синоним бўлиб улгурган сўзлар. Қатор афзалликларга эга бўлганлиги туфайли, улар сифатли ва ишончли деб таърифлашга лойиқ. Бундай уйларнинг афзалликлари чиндан ҳам кўп, улар орасида қуйидагилар айниқса ажралиб туради:
- Мустаҳкамлик. Шу усулда қурилган бинолар ўта бардошли деб ҳисобланади. Монолит тарзда қурилган бино нам ва шамолни ўтказмайди ҳамда зилзилаларга бардошли бўлади.
- Турли хил дизайн. Қурилишнинг мазкур тури архитекторга бўлғуси бинонинг шакли ва қаватига нисбатан бор тасаввурини ишга солиш имконини беради. Масалан, монолит ҳар бир қаватни индивидуал дизайн ва турли шаклларда қуришга имконият яратади. Панель ёки ғишт уйларни қурганда, бунинг иложи йўқ.
- Қайта режалаштириш имкони. «Монолит уйлардаги хонадонлар ичида, хоналар орасида девор бўлмайди, фақат чекланган миқдорда таянч устунлар қурилади. Табиийки, бу режалаштириш ечимларини ишлаб чиқишда кўпроқ эркинлик беради», – дейди FDG компаниясининг қурилиш бошқармаси бошлиғининг ўринбосари Мирсалимов Саид. Parkent Plaza 3 ТЖМда, масалан, гардероб хоналари ва кенг заллар қурилиши назарда тутилган. Ишлаб чиқувчининг таъкидлашича, мажмуадаги хонадонларда узун, фойдасиз йўлаклар ва ишлатилмайдиган жойлар бўлмайди. Parkent Plaza’нинг учинчи босқичида хонадонларнинг майдони 38,68 дан 126,8 квадрат метргача бўлади.
- Чўкиш даражаси паст. Бундай қурилишнинг афзалликларидан яна биттаси шуки, уйлар жуда кам чўкади. Бари бинонинг яхлитлиги туфайли бўлиб, барча турдаги қурилишлар орасида монолит уйлар чўкишга нисбатан энг бардошли ҳисобланади. Бинонинг яхлитлиги ҳисобидан уй бир текисда чўкади, бунда деворлардаги ёриқлар минимал миқдорда бўлади. Монолит конструкция бинонинг яхлитлиги ҳисобига, сув босиши ва қўшни хонага сув ўтишидан яхши ҳимоя қилади.
- Қурилиш тезлиги. Монолит каркасли (синчли) технология бўйича қурилган уйлар тез қуриб битказилади: атиги 18—24 ой ва сизнинг уйингиз кириб яшашга тайёр! Бунинг сабаби шундаки, кўпчилик жараёнлар автоматлаштирилган ва қўл меҳнатини талаб қилмайди. Бу эса жараённи тезлаштиради. Шунинг учун қурилиш босқичида хонадон харид қилар экансиз, узоқ вақт кутишга тўғри келиши ҳақида хавотирланмасангиз ҳам бўлади.
Бўлғуси уйингизни танлар экансиз, унинг узоқ йиллар хизмат қилишини хоҳлайсиз. Монолит уйлардан фойдаланиш муддати энг узоқлардан бири саналади. Бундай натижага ушбу тизимнинг мустаҳкамлиги ҳамда уланган қисмлар ва ёриқлар йўқлиги ҳисобига эришилади. Эскиришга чидамлилик 100—150 йилдан ортиқ бўлиши мумкин. Қурилишнинг бошқа турлари билан таққослайдиган бўлсак, мисол учун, ғишт уйлардан фойдаланиш муддати тахминан 100 йил, панель уйлар учун эса 120 йил.
Монолит қурилиш, шунингдек, зилзилаларга қарши юқори бардошлилиги билан ажралиб туради. Бу эса тез-тез зилзила бўладиган ҳудудлар учун ниҳоятда муҳим саналади.
Яшил монолит
Экологик ва энергия тежамкор Parkent Plaza турар жой мажмуаси ҳам монолит каркасли технология асосида қурилган.
Parkent Plaza ТЖМ – бу халқаро LED сертификатига эга бўлган, Ўзбекистондаги биринчи турар жой мажмуаси. Мазкур сертификат Parkent Plaza биноси экологик тоза ва энергия тежамкор эканлигини тасдиқлайди.
Parkent Plaza 3 ТЖМ – бу FDGнинг энг кўламли лойиҳасининг 3 босқичи. 2019 ва 2020 йилларда биринчи ва иккинчи босқичда қурилган уйларнинг бахтиёр эгалари янги хонадонларга кўчиб киришга муваффақ бўлди. Айни пайтда, саккизинчи блокдаги ҳамда 14 қаватли минораларда жойлашган хонадонлар сотувга қўйилган бўлиб, улардан бутун шаҳар ва Чимён тоғлари кафтдек кўринади.
Parkent Plaza’да турар жой мажмуаси Яшнобод туманининг Паркент кўчасида жойлашган. ТЖМдан у қадар узоқ бўлмаган ерда уч босқичли транспорт тугуни ва метро йўли ўтади. Шунинг учун бу ерга шаҳарнинг исталган қисмидан келиш осон.
Яшовчиларнинг ҳордиқ чиқариши учун мажмуада ўйинлар учун кенг жойлари бўлган учта майдонча, футбол майдони ва музли тепалик қурилиши назарда тутилган. Мажмуа ҳовлисининг ўз ғояси бор, масалан, майдончалар соя-салқин дарахтлар орасида жойлашган ва ушбу жой билан уйғунлик касб этган ҳолда, ўсимликлар билан тўлдирилади, кўп сонли ўриндиқларнинг мавжудлиги дўстлар билан суҳбатлашиш ва дам олиш учун биргаликда йиғилиш имконини беради.
Parkent Plaza’нинг дастлабки икки босқичи аллақачон фойдаланишга топширилган. Қурилиш сифатини баҳолаш, қурилиш майдончасига ташриф буюриб, ўзингизни қизиқтирган саволларни бериш, яшовчилар билан суҳбатлашиш ва шоурумни томоша қилиш мумкин.
Parkent Plaza’да хонадонни 100 фоиз тўлов билан харид қилсангиз, 9 миллион сўм ва ундан кўпроқ маблағингизни тежаб қолишингиз мумкин. Мажмуа ва уй-жой сотиб олиш шартлари ҳақида қўшимча маълумотларни FDGнинг қуйидаги манзилида жойлашган савдо офисидан олишингиз мумкин.
Тошкент, Яшнобод тумани, Паркент кўчаси 180
Сотувлар бўлими рақами: +99878 150 55 11
Веб-сайт: parkent-plaza.uz
Telegram: t.me/fdguz
Instagram: fdg_uz
Facebook: fb.com/firstdevelopmentgroup
Реклама ҳуқуқи асосида.
Изоҳ (0)