«Нейтраль Турманистон» газетасида 7 июль куни Туркманистон Тиббиёт саноати ва соғлиқни сақлаш вазирлигининг мамлакатда 18 ёшдан ошган фуқароларни мажбурий тартибда эмлаш ишлари бошланиши ҳақидаги ахбороти эълон қилинди, деб ёзмоқда «Хроника Туркменистана».
Фақат вакцина компонентларига аллергияси борлар, ҳомиладорлар ва эмизикли фарзанди бор аёллар, юқори ҳароратда юрган ёки сурункали касаллиги оғир босқичга келган шахслар истисно тариқасида вакцинация қилинмайди.
22 июнда Туркманистон пойтахтида COVID-19’нинг янги тўлқини кузатилаётгани хабар қилинганди. 27 июнда Туркманистон президенти Гурбангули Бердимуҳамедов мамлакатнинг касалликлар тарқалишига қарши кураш комиссиясининг ишчи йиғилишини ўтказган ва унда 1,5 миллионта янги самарали доза вакциналарини харид қилишни буюрганди. Кейинчалик мазкур топшириқда Хитойнинг Sinopharm препарати назарда тутилгани тахмин қилинган.
Туркманистон ҳанузгача бутун дунёда коронавирус расман қайд этилмаган кам сонли мамлакатлардан бири ҳисобланади, бироқ мустақил ОАВ нашрлари бу ахборотнинг нотўғри эканини қайд этган.
Изоҳ (0)