Турк актрисаси Неслиҳан Атагулнинг яқин орада экранларда кўринмаслиги сабаби маълум бўлди

Неслиҳан Атагулнинг нима учун яқин вақт ичида суратга тушмаслиги ҳақида унинг турмуш ўртоғи Кадир Доғулу маълумот берди.

Неслиҳан Атагул саломатлигида муаммо пайдо бўлгани сабаб иштирокидаги сўнгги сериали «Элчининг қизи»ни тарк этган эди. Кейинчалик янги лойиҳада иштироки ҳақида хабар тарқалган, аммо актрисанинг ўзи буни инкор қилган. Маълум бўлишича Неслиҳан турмуш ўртоғи Кадир Доғулу билан галма-гал ишлаш ҳақида қарор қабул қилган.

Айни вақтда «Севги рецепти» сериалида суратга тушаётган Кадир бундан аввал деярли бир ярим йил давомида лойиҳаларда иштирок этмаган. Бу вақтда Неслиҳан Атагул «Элчининг қизи»да суратга тушган. Энди Кадир суратга тушиш билан бўлган бир вақтда уйда ўтириш навбати Неслиҳанга келган.

Ҳар иккиси ҳам суратга тушиш билан бўлса, кўришиш учун имкон топа олмаслиги мумкин. Айнан шу сабаб ҳам улар бири ишлаганда иккинчиси дам олиш билан ушбу масалага ечим топишга қарор қилган. Шунда юлдузли жуфтлик бир-бири билан бемалол кўриниши мумкин. Кадир бу қарорни онгли равишда қабул қилганлари, бошқачасига баланс топа олмасликлари мумкинлигини таъкидлаган.

«Бошқачасига кўришиш учун имкон ярата олмаслигимиз мумкин. Актёрлик фаолияти тўлиқ ишлаш демак, сиз бутун вақтингизни суратга олиш майдончасида ўтказасиз. Икки нафар ишлайдиган актёрларнинг бир уйда яшаши жуда ҳам қийин, учрашишга деярли имкон бўлмайди. Мен банд эканимда унинг ишлашни истамаслиги сабаби ҳам шунда. У бандлигида эса мен ишламасликни афзал биламан. Биз шундай йўли танладик, кўрамиз қанчалик узоққа борамиз», — дейди актёр.

Рафиқасининг аҳволи ҳақида гап кетганда Кадир, Неслиҳан ҳаммасини енгиб ўтгани ва ўзини яхши ҳис қилаётганини маълум қилган.