Neslihan Atagulning nima uchun yaqin vaqt ichida suratga tushmasligi haqida uning turmush o‘rtog‘i Kadir Dog‘ulu ma’lumot berdi.
Neslihan Atagul salomatligida muammo paydo bo‘lgani sabab ishtirokidagi so‘nggi seriali “Elchining qizi”ni tark etgan edi. Keyinchalik yangi loyihada ishtiroki haqida xabar tarqalgan, ammo aktrisaning o‘zi buni inkor qilgan. Ma’lum bo‘lishicha Neslihan turmush o‘rtog‘i Kadir Dog‘ulu bilan galma-gal ishlash haqida qaror qabul qilgan.
Ayni vaqtda “Sevgi retsepti” serialida suratga tushayotgan Kadir bundan avval deyarli bir yarim yil davomida loyihalarda ishtirok etmagan. Bu vaqtda Neslihan Atagul “Elchining qizi”da suratga tushgan. Endi Kadir suratga tushish bilan bo‘lgan bir vaqtda uyda o‘tirish navbati Neslihanga kelgan.
Har ikkisi ham suratga tushish bilan bo‘lsa, ko‘rishish uchun imkon topa olmasligi mumkin. Aynan shu sabab ham ular biri ishlaganda ikkinchisi dam olish bilan ushbu masalaga yechim topishga qaror qilgan. Shunda yulduzli juftlik bir-biri bilan bemalol ko‘rinishi mumkin. Kadir bu qarorni ongli ravishda qabul qilganlari, boshqachasiga balans topa olmasliklari mumkinligini ta’kidlagan.
“Boshqachasiga ko‘rishish uchun imkon yarata olmasligimiz mumkin. Aktyorlik faoliyati to‘liq ishlash demak, siz butun vaqtingizni suratga olish maydonchasida o‘tkazasiz. Ikki nafar ishlaydigan aktyorlarning bir uyda yashashi juda ham qiyin, uchrashishga deyarli imkon bo‘lmaydi. Men band ekanimda uning ishlashni istamasligi sababi ham shunda. U bandligida esa men ishlamaslikni afzal bilaman. Biz shunday yo‘li tanladik, ko‘ramiz qanchalik uzoqqa boramiz”, — deydi aktyor.
Rafiqasining ahvoli haqida gap ketganda Kadir, Neslihan hammasini yengib o‘tgani va o‘zini yaxshi his qilayotganini ma’lum qilgan.
Izoh (0)