Япониянинг алоҳида дунё эканини исботловчи суратлар

Япония — ўзига хос маданиятга эга мамлакат, буни бошқа мамлакат фуқароси ҳеч қачон тўлиқ ҳис қила олмайди. Қуйидаги кадрлар орқали Қуёш мамлакати ҳақида жуда кўп қизиқарли нарсаларни билиб олиш мумкин.

Япониянинг айрим шаҳарларида дренаж суви шунчалик тозаки, ҳатто унда кои балиқлари сузиб юради.

Маълумки, кўп йиллардан бери Японияда тўртбурчак тарвузлар етиштириб келинмоқда. Аммо кўпчилик уларнинг декоратив мақсадларда ўстирилишини ва еб бўлмаслигини билмайди. Тарвузлар пишмасдан аввал узиб олинади. Японияда бундай тарвузни совға сифатида тақдим этиш одатга айланган.

Бундан ташқари, бозордан оқ қулупнай ҳам топишингиз мумкин. Унинг донаси 4-5 доллар туради, таъми эса ананасга ўхшайди.

Фақатгина Япониядагина чўчқа сайр қилдириб юрган одамларни кўриш мумкин.

Умуман олганда, японлар жуда интизомли халқ бўлиб, қонунларни ҳурмат қилади. Масалан, пастга тушиш зинаси бўш бўлса ҳам ҳеч ким юқорига чиқмайди.

Японлар метро поездининг келишини тартибга риоя қилган ҳолда кутади.

Мамлакат ҳайдовчилари машиналарни тескари парковка қилишга одатланган.

Баъзи далаларда улкан санъат асарлари яратиш учун гуруч етиштирилади. Бу каби нақшлар гуручнинг турли навларини экиш орқали яратилади.

Японлар қари дарахтларни ҳам асраб-авайлайди.

Лифтларда фавқулодда вазиятларда ҳожатхона сифатида фойдаланиш мумкин бўлган ўриндиқ мавжуд.

Савдо автоматларидан қуритилган ҳашаротларни сотиб олиш мумкин.

Мамлакатда капсулали меҳмонхоналар жуда кўп. Улар, албатта, клострофоб одамлар учун мўлжалланмаган.

Япония ресторанларида таом тортишдан аввал ошибори — қўлларни артиш учун нам сочиқ олиб келишади.

Темир йўл станцияларидаги ҳожатхоналарда болалар учун кичик унитазлар мавжуд.

Банкоматлар ёнида чашка ва ҳасса ушлагичлари мавжуд.

Япониядаги супермаркетларда саватларни дезинфекция қилувчи шкафлар бор.

Японияда бундай кичик юк машиналарини тез-тез учратиш мумкин.

Японлар канализация қопқоқларини ҳам ҳақиқий санъат асарларига айлантирган.

Японияда «мушук» ороллари ҳам бор. Масалан, Аосима, Айносима, Тасиро ороллари шулар жумласидан.

Бу ерда уй ҳайвонларини яхши кўришади. Кўпинча уларни аравачаларда олиб юришади.

Кечқурун бамбук ўрмони шундай манзара ҳосил қилади.