Priyanka Chopra Max Factor brendining xalqaro maxsus vakili bo‘ldi

Max Factor brendi aktrisa, prodyuser Priyanka Chopra-Jonasni o‘zining yangi maxsus vakili deb e’lon qildi. Bu haqda Elle xabar beradi.

Ma’lum qilinishicha, u 2021-yilda brendning a’zosiga aylanishi bilan darhol kompaniyaning yuzi bo‘lishga muvaffaq bo‘lgan. Ishtirokidagi birinchi reklama kampaniyasi yangi tonal krem Facefinity All Day Flawless Airbrush Finish 3 in 1 chiqishiga bag‘ishlanadi.

YuNISEF fondining ko‘ngilli elchisi va butun dunyodagi ayollarning himoyachisi sifatida ma’lum bo‘lgan Chopra ayollarning ichki va tashqi transformatsiyasi imkoniyatini kengaytirish kerakligi haqidagi mavzuni muntazam ravishda ko‘taradi.

Priyanka o‘ziga bo‘lgan ishonchning ko‘tarilishiga sabab bo‘ladigan va ayollarning go‘zalligiga urg‘u beradigan manbalar haqidagi munozaralarni qo‘llab-quvvatlash bilan birga, zamonaviy ayollarni o‘zgarishga ilhomlantiradi.

“Priyanka bizning har taraflama auditoriya, huquqlarni himoya qilish sohasidagi yetakchining zamonaviy timsolidir. Biz bu hamkorlikdan juda ham mamnunmiz va birgalikda ko‘p muvaffaqiyatlarga erishamiz, deb umid qilaman”, — deydi Coty brendi rahbari Stefano Kurti.

Priyanka butun dunyoning vizajistlari bilan birga o‘zgarish uchun qanday qilib ortiqcha urinishlarsiz brend mahsulotlaridan foydalanish haqida professional ko‘nikmalarni tarqatishga yordam beradi. Aktrisaning o‘zi esa 100 yillik tarixga ega bo‘lgan Max Factor’ning global ambassadori bo‘lishdan g‘oyat shod ekanligini ma’lum qilgan.

“O‘ziga bo‘lgan ishonchning yuksak ekani kishini juda ham maftunkor ko‘rsatadi. O‘z makiyajiga ishonchi yuqori bo‘lgan odamning o‘ziga bo‘lgan ishonchi ham yuqori bo‘ladi. Butun dunyoning vizajist va insonlariga murojaat qilar ekanman, o‘zimning yaxshi kompaniyada ekanimni bilaman va Max Factor mahsulotlarini taqdim qilish bilan bog‘liq emotsiyalar bilan bo‘lishishdan xursandman”, — deydi u.