АҚШда ишчи ташриф билан бўлган Эстония президенти Керсти Кальюлайд 28 июнь куни Бирлашган Миллатлар Ташкилоти (БМТ) бош котиби Антониу Гутерриш билан учрашди. Бу ҳақда давлат раҳбарининг матбуот хизматига таяниб «Интерфакс» хабар берди.
Учрашувдан сўнг Эстония президенти ва БМТ бош котиби Кальюлайдни келгуси икки йил давомида «аёллар ва болалар ҳуқуқларининг дунё ҳимоячиси» бўлишини маълум қилди.
«БМТ бош котиби Эстония президенти Керсти Кальюлайдни ҳар бир аёлнинг, ҳар бир боланинг глобал ҳимоячиси этиб тайинлади. Ушбу турдаги биринчи тайинлов бутун дунё бўйлаб аёллар, болалар ва ўсмирлар саломатлиги бўйича глобал стратегия тўғрисида хабардорликни оширишга қаратилган», — дейилади учрашув ҳақидаги баёнотда.
Қайд этилишича, учрашув давомида Кальюлайд ва Гутерриш Эстониянинг Хавфсизлик кенгаши раҳбари сифатидаги устувор вазифаларини муҳокама қилган.
Суҳбат давомида томонлар дунёнинг турли минтақаларида коронавирус инқирозининг салбий таъсирини камайтириш, шунингдек, вакцинация суръатини ошириш масалаларига ҳам тўхталиб ўтган.
Изоҳ (0)